రహానెకి అండగా నిలిచిన విరాట్ కోహ్లీ.. వారికి చురకలు!

ఒకప్పుడు అద్భుతమైన ప్రదర్శనతో టీమిండియా విజయాలకు కారణమైన అజింక్య రహానె ఇప్పుడు పేలవమైన ఆటతో నిరాశ పరుస్తున్నాడు.

న్యూజిలాండ్ టీంతో ఇటీవల జరిగిన తొలి టెస్టులో రహానె కేవలం 39 పరుగులు మాత్రమే చేశాడు.

టెస్ట్ మ్యాచ్‌కు కెప్టెన్‌గా కూడా వ్యవహరించిన రహానె ఆ రేంజ్ లో విఫలం కావడం విమర్శలకు తావిచ్చింది.రెండో టెస్టులో కోహ్లీ టీమ్ లోకి రావడం.

శ్రేయస్ అయ్యర్  అద్భుత ప్రదర్శనతో దూసుకెళ్లడం వంటి పరిస్థితుల నేపథ్యంలో రహానెని పక్కనపెట్టేసింది టీమిండియా.అయితే టెస్ట్ సిరీస్ ముగిసిన అనంతరం విరాట్ కోహ్లీ రహానెకి మద్దతుగా వ్యాఖ్యలు చేశారు.

విజయానంతరం కోహ్లీ మాట్లాడుతూ."రహానె ఫామ్ గురించి నేను ఏం మాట్లాడదలుచుకోలేదు.

అతన్ని జడ్జ్ చేయడం సరైనది కాదు.నేనే కాదు ఎవరూ కూడా చేయలేరు.

సరిగ్గా  ఆడకపోవడానికి ఏ అడ్డంకులు ఎదురవుతున్నాయో వాటిని అధిగమించే అంశంపై దృష్టి సారిస్తే సరిపోతుంది.అది రహానె లేదా ఏ ఆటగాడైనా కావచ్చు.

కీలక మ్యాచులలో అద్భుత ప్రదర్శనతో జట్టును విజయ తీరాల వైపు నడిపించగల  ఆటగాళ్లకు కష్టకాలంలో మద్దతుగా నిలబడాలి" అని చెప్పుకొచ్చారు.కోహ్లీ చేసిన ఈ వ్యాఖ్యలకు ఫ్యాన్స్ అందరూ ఫిదా అవుతున్నారు.