ఇండస్ట్రీలో ఎంతోమంది స్టార్ హీరోలు ఉన్నా కొందరు హీరోలు మాత్రమే తన నటనా ప్రతిభతో దేశవ్యాప్తంగా గుర్తింపును సొంతం చేసుకుంటారు.అలా సౌత్ ఇండియా సినిమాలలో నటించి దేశవ్యాప్తంగా పేరు తెచ్చుకున్న వారిలో కమల్ హాసన్ ఒకరు.
బాలనటుడిగా తన నటప్రస్థానాన్ని మొదలుపెట్టిన కమల్ హాసన్ తొలి సినిమాతోనే జాతీయ పురస్కారాన్ని సొంతం చేసుకోవడం గమనార్హం.కమల్ హాసన్ ఎంచుకునే కథలతో పాటు ఫైట్లలో, డ్యాన్స్ లలో కూడా ఎంతో వైవిధ్యం ఉంటుంది.
నటుడిగా 62 సంవత్సరాల అనుభవం ఉన్న ఈ నటుడు బాలనటుడిగా కళథూర్ కణ్ణమ్మ సినిమాలో నటించిన సమయంలో ఇతని వయస్సు కేవలం 4 సంవత్సరాలు కావడం గమనార్హం.ఆ సినిమాలో ప్రధాన పాత్రల్లో నటించిన సావిత్రి జెమినీ గణేషన్ సైతం కమల్ హాసన్ నటనను చూసి ఆశ్చర్యపోయారు.
కమల్ హాసన్ అసలు పేరు పార్థసారథి కాగా అందరూ పార్థు అనే ముద్దుపేరుతో కమల్ హాసన్ ను పిలిచేవారు.
తొలి సినిమాతోనే సక్సెస్ సాధించిన కమల్ హాసన్ ఆ తర్వాత మరికొన్ని సినిమాల్లో బాలనటుడిగా నటించారు.మలయాళం మూవీ కన్యాకుమారితో 20 సంవత్సరాల వయస్సులోనే హీరోగా మారిన కమల్ హాసన్ నటుడిగా కెరీర్ ను కొనసాగిస్తున్నారు.కమల్ హాసన్ నటుడిగా కెరీర్ ను మొదలుపెట్టి 62 సంవత్సరాలు కావడంతో ఆయన చిన్నప్పటి ఫోటోలు నెట్టింట తెగ వైరల్ అవుతున్నాయి.
ఒకవైపు మాస్ సినిమాల్లో నటించడంతో పాటు క్లాస్ సినిమాల్లో కూడా కమల్ హాసన్ నటించారు.తమిళంలో కమల్ హాసన్ బిగ్ బాస్ షోకు హోస్ట్ గా వ్యవహరించారు.కమల్ హాసన్ నటనకు ఎన్నో అవార్డులు సైతం వచ్చాయి.మొదట వాణీగణపతిని వివాహం చేసుకున్న కమల్ హాసన్ ఆ తర్వాత సారికను పెళ్లి చేసుకున్నారు.కొన్ని కారణాల వల్ల కమల్ హాసన్ సారికతో విడిపోయారు.