టెన్షన్ పెడుతున్న ఖమ్మం పాలిటిక్స్ !

  ఇక పొంగులేటి విషయానికి వస్తే 2014 లోక్ సభ ఎన్నికల్లో వైసీపీ తరఫున ఖమ్మం ఎంపీగా గెలిచిన ఆయన ఆ తర్వాత మారిన రాజకీయ పరిస్థితుల నేపథ్యంలో టిఆర్ఎస్ లో చేరారు.పార్టీలోను, జిల్లాలోనూ పట్టు పెంచుకుని బలమైన నాయకుడిగా గుర్తింపు తెచ్చుకున్నారు.అయినా 2019 ఎన్నికల్లో ఆయనకు ఎంపీ సీటు దక్కలేదు.దీనికి ప్రధాన కారణం ఆయన అసెంబ్లీ ఎన్నికల్లో కొంతమంది టిఆర్ఎస్ ఎమ్మెల్యే అభ్యర్థులు ఓటమికి కృషి చేశారని ఆరోపణలు వచ్చాయి.

అందుకే కెసిఆర్ పొంగులేటిని పక్కనబెట్టి టిడిపి నుంచి టిఆర్ఎస్ లో చేరిన నామా నాగేశ్వరరావు కు టికెట్ ఇచ్చారు.దీంతో అసంతృప్తికి గురైన పొంగులేటి పార్టీ మారతారని పెద్ద ఎత్తున ప్రచారం అప్పట్లో జరిగింది.

అయితే అప్పుడు అధిష్టానం రంగంలోకి దిగి ఆయనకు నచ్చజెప్పడంతో పాటు రాజ్యసభ సీటు ఇస్తామని హామీ ఇచ్చినట్టు, ఆ మేరకు పొంగులేటి పార్టీని వీడే ఆలోచన పక్కన పెట్టినట్టు ప్రచారం జరిగింది.అయితే ప్రస్తుతం జిల్లాలో నెలకొన్న పరిణామాల నేపథ్యంలో తుమ్మల, పొంగులేటి ఇద్దరు బిజెపి వైపు చూస్తున్నట్టు తెలుస్తోంది.

కానీ ఈ ఇద్దరి మధ్య నెలకొన్న రాజకీయ వైరం కారణంగా ఒకరు మాత్రమే బీజేపీలో చేరే అవకాశం కనిపిస్తోంది.ఒకరు బీజేపీలో చేరితే మరొకరు టీఆర్ఎస్ లోనే కొనసాగే అవకాశం కనిపిస్తోంది.