బిగ్ బాస్ సీజన్ 3కి ఎన్నడూ లేని విధంగా ఆరంభంతోనే వివాదాలు చుట్టుకున్నాయి.బిగ్ బాస్ మాటున కాస్టింగ్ కౌచ్ జరుగుతుందని యాంకర్, నటి రోడ్డు మీదకి వచ్చి రచ్చ చేస్తున్నారు.
బిగ్ బాస్ కారణంగా దెబ్బ తిన్న తమకి న్యాయం జరిగేంత వరకు పోరాటం ఆపేది లేదని భీష్మించుకొని కూర్చున్నారు.అయితే జనం మాత్రం ఈ వివాదాన్ని పక్కన పెట్టి బిగ్ బాస్ కోసం టీవీలకి అతుక్కుపోతున్నారు.
అయితే బిగ్ బాస్ ఆరంభమై ఒక వారం పూర్తి చేసుకోవడంతో మొదటి ఎలిమినేషన్ గా నటి హేమ బయటకి వచ్చేసింది.
బయటకి వచ్చిన వెంటనే ఆమె బిగ్ బాస్ మీద విమర్శల దాడి చేయడం మొదలెట్టింది.
బిగ్ బాస్ హౌస్ లో తనకి అకారణంగా ఎలిమినేషన్ చేసి బయటకి పంపించేసారని విమర్శించింది.హౌస్ లో జరుగుతుంది ఒకటి అయితే బయటకి చూపించేది ఒకటని చెప్పుకొచ్చింది.
తనకి ఓటింగ్ ఎక్కువగానే ఉన్న తనని ప్లాన్ ప్రకారం బయటకి పంపించారని ఆరోపించింది.వంటగది వల్లే హౌస్ లో గొడవలు వచ్చాయని, అది తీయొద్దు, ఇది తీయొద్దు అని తాను చెప్పడాన్ని కమాండింగ్ గా అర్థం చేసుకున్నారని చెప్పారు.
వాళ్ల కోసం తాను చేస్తున్నది వాళ్లకు అర్థం కాలేదని అందుకే హౌస్ లో ఉండటం అక్కా, అక్కా అని పిలుస్తూనే తనపై లేనిపోని మాటలు చెప్పారని బిగ్ బాస్ మీద ముప్పేట దాడి చేసింది.దీంతో ఇప్పుడు బిగ్ బాస్ వివాదానికితోడు హేమ కారణంగా మరో కాంట్రవర్సీ మూటగట్టుకుంది.
