ఇంట్లో పూజ చేసేటప్పుడు కానీ,గుడికి వెళ్లినప్పుడు కాని దేవుడికి సమర్పించేవాటిలో పూలది ప్రధమ స్థానం.అటువంటి పూలను దేవుడికి సమర్పించేటపుడు ఏ పూలు పడితే ఆ పూలతో పూజ చేయకూడదట.
చాలామంది ఇంట్లో మొక్కలనుండి తెంపిన పూలను పూజకు వినియోగస్తారు.లేదంటే బయట కొని వాటితో పూజ చేస్తారు.
కాని ఆ పువ్వుల విషయంలో కొన్ని నియమాలు పాటించాలట.ఆ నియమాలేవో పాటించి ఈ సారి పూజ చేసేటప్పుడు ఆ తప్పులు చేయకండి.
దేవుడికి పూజ చేసేటప్పుడు సమర్పించకూడని పువ్వులు.
· ఎటువంటి వాసన లేని పూలను,అదేవిధంగా ఘాటైన వాసన కలిగిన పూలను దేవుడికి సమర్పించకూడదట.
· అలాగే ముళ్లు కలిగిన పూలు, రెక్కలు తెగిన పూలు పూజకు వాడకూడదు.
· వాడిపోయిన పూవులను పూజకు వాడితే అశుభం,కాబట్టి ఎప్పుడూ తాజాగా ఉన్న పూలతోనే పూజ చేయాలి.
· పరిశుభ్రమైన .పవిత్రమైన ప్రదేశాల్లో లేని పూల మొక్కల నుంచి కోసిన పూలను కూడా పూజలో ఉపయోగించకూడదు.
· నేలపై పడిన పూలు, పురుగు పట్టిన పూలు,పూర్తిగా వికసించని పూలు దేవుడి పూజకు పనికిరావు.
· హిందువులు కుడిని శుభంగాను,ఎడమను అశుభంగాను పరిగణిస్తారు.
అదేవిధంగా భగవంతుడి పూజకు ఉపయోగించే పూలను ఎడమ చేత కోసినట్లైతే పూలు భగవంతుడి పూజకు పనికి రావని ఆధ్యాత్మిక గ్రంధాలు స్పష్టం చేస్తున్నాయి.
· పరిశుభ్రమైన .పవిత్రమైన ప్రదేశంలోని చెట్టుకు పూసిన సువాసన కలిగిన తాజా పూలను మాత్రమే భగవంతుడికి భక్తి శ్రద్ధలతో సమర్పించాలి.ఈ విధంగా చేయడం వలన భగవంతుడి అనుగ్రహం లభిస్తుందనేది మహర్షుల మాట.