భారత సంతతి బాలుడు దారుణహత్య .. ఇద్దరు యువకులకు 34 ఏళ్ల జైలు శిక్ష , యూకే కోర్ట్ సంచలన తీర్పు

భారత సంతతి బాలుడిని దారుణంగా హత్య చేసిన ఇద్దరు యువకులకు యూకే కోర్ట్( UK Court ) 34 ఏళ్ల జైలు శిక్ష విధిస్తూ సంచలన తీర్పు వెలువరించింది.గతేడాది ఇంగ్లాండ్‌లోని వెస్ట్ మిడ్‌లాండ్స్ ప్రాంతంలోని వోల్వర్ హాంఫ్టన్‌లో ఇద్దరు నిందితులు భారత సంతతికి చెందిన బాలుడిని కొడవలి, నింజా కత్తితో పొడిచి చంపారు.

2022 జూలై 16న రోనన్ కందా (16)ను( Ronan Kanda ) నిందితులు దారుణంగా హత్య చేశారు.దీనిపై సమాచారం అందుకున్న వెస్ట్ మిడ్‌లాండ్స్ పోలీసులు ఘటనాస్థలికి చేరుకుని దర్యాప్తు ప్రారంభించారు.

అయితే పోస్ట్‌మార్టం నివేదికలో సంచలన విషయాలు వెలుగులోకి వచ్చాయి.రోనన్‌పై దుండగులు రెండుసార్లు కత్తితో దాడి చేసినట్లు వైద్యులు నివేదికలో తెలిపారు.

ఈ ఘటనపై రోనన్ కుటుంబ సభ్యులు సంతాప ప్రకటన విడుదల చేశారు.అతను తన తోటివారిని నవ్విస్తూ వుంటాడని.

కానీ తనను క్రూరంగా చంపారని, ఈ వార్త తెలిసి తమ హృదయం ముక్కలైందని ఆవేదన వ్యక్తం చేశారు.ఆయన ఆత్మకు శాంతి చేకూరాలని ప్రార్ధిస్తున్నట్లు వారు సంతాప సందేశంలో పేర్కొన్నారు.