యంగ్ టైగర్ జూనియర్ ఎన్టీఆర్( Junior NTR ) గతంలో త్రివిక్రమ్ డైరెక్షన్ లో తెరకెక్కిన అరవింద సమేత వీర రాఘవ సినిమా కోసం కండలు పెంచగా ఆ సినిమాలోని లుక్ ప్రేక్షకులను ఎంతగానో ఆకట్టుకుంది.బాక్సాఫీస్ వద్ద అరవింద సమేత వీర రాఘవ 90 కోట్ల రూపాయల కలెక్షన్లను సొంతం చేసుకోవడం గమనార్హం.
ప్రస్తుతం తారక్ కొరటాల శివ దర్శకత్వంలో తెరకెక్కుతున్న దేవర సినిమా షూటింగ్ లో పాల్గొంటున్నారు.
ఈ ఏడాది నవంబర్ సమయానికే ఈ సినిమా షూటింగ్ పూర్తి కానుండగా గ్రాఫిక్స్ కు ప్రాధాన్యత ఎక్కువగా ఉండనుందని తెలుస్తోంది.హాలీవుడ్ టెక్నీషియన్లు ఈ సినిమా గ్రాఫిక్స్ కోసం పని చేస్తున్నారని సమాచారం అందుతోంది.అదే సమయంలో దేవర సినిమా( Devara Movie )లో ఎన్నో ప్రత్యేకతలు ఉన్నాయని ఇండస్ట్రీ వర్గాల్లో వినిపిస్తుండటం గమనార్హం.
ఈ సినిమాలో సైఫ్ అలీ ఖాన్ విలన్ రోల్ లో నటిస్తున్న సంగతి తెలిసిందే.
సైఫ్ అలీ ఖాన్( Saif Ali Khan ) కు ఈ సినిమాలో ఒక సాంగ్ ఉంటుందని ఆ సాంగ్ సినిమాకు హైలెట్ గా నిలిచేలా ఉండనుందని భోగట్టా.
ఈ సినిమాలో ఆరు యాక్షన్ సీన్స్, నాలుగు సాంగ్స్, ఒక మాంటేజ్ సాంగ్ ఉంటాయని ఖర్చు విషయంలో రాజీ పడకుండా ఈ సినిమాను తెరకెక్కిస్తున్నారని తెలుస్తోంది.ఈ సినిమా తర్వాత యంగ్ టైగర్ ఎన్టీఆర్ వార్2 సినిమాలో నటించనున్నారు.వార్2 సినిమా కోసం జూనియర్ ఎన్టీఆర్ కండలు పెంచనున్నారని తెలుస్తోంది.
తారక్ ఈ సినిమాలో ఏజెంట్ తరహా పాత్రలో కనిపించనున్నారని ఈ పాత్రకు సినిమాలో ఎక్కువగానే ప్రాధాన్యత ఉండనుందని సమాచారం.హృతిక్ తో సమానంగా ఈ పాత్ర ఉండనుందని దేవర, వార్2( War 2 ) ఎన్టీఆర్ కెరీర్ లో బిగ్గెస్ట్ హిట్లుగా నిలిచే అవకాశం ఉండగా మాస్ సినిమాలలో సినిమాలు కొత్త ఒరవడిని సృష్టిస్తాయని అభిప్రాయాలు వ్యక్తమవుతున్నాయి.