కృష్ణ కూతురు మంజులను బాలకృష్ణ సినిమా నుండి తీసేయాలని ఆత్మాహుతి ఎవరు చేసుకోబోయారు

మంజుల తన తండ్రి కృష్ణకు తనకు హీరోయిన్ కావాలని ఉందని చెప్పారు.ఐతే మొదట్లో ఆమె కోరికకు తీవ్ర అభ్యంతరం తెలిపిన కృష్ణ ఆ తర్వాత ఒప్పుకున్నారు.అలాగే పద్దతిగా సినిమాలు తీసే ఎస్వీ కృష్ణారెడ్డిని పిలిచి మంచి కథానాయక గా తన కూతురిని ప్రేక్షకులకు పరిచయం చేయాలని చెప్పారు.

సూపర్ స్టార్ కృష్ణ కోరిక మేరకు దర్శకుడు కృష్ణారెడ్డి ఓకే చెప్పారు.అప్పటికే కృష్ణారెడ్డి బాలయ్య “టాప్ హీరో” సినిమాకు దర్శకత్వం వహించే అవకాశం దక్కించుకున్నారు.దీంతో మంజులను బాలకృష్ణ సరసన నటింపజేయాలని అనుకున్నారు.1994 కాలంలో బాలకృష్ణ సరసన సూపర్ స్టార్ కృష్ణ కూతురు మంజుల నటించబోతున్నారని ప్రకటించారు.ఇది తెలుసుకున్న సూపర్ స్టార్ అభిమానులు ఒక్కసారిగా బయటికి వచ్చి నానా బీభత్సం సృష్టించారు.కృష్ణా , గుంటూరు, కాకినాడ ఇలా వివిధ ప్రాంతాల నుంచి వందల మంది అభిమానులు హైదరాబాద్ వెళ్లి పద్మాలయ స్టూడియో ముందు పెద్ద గొడవ చేసేసారు.

దీనితో సూపర్ స్టార్ కృష్ణ రంగంలోకి దిగి తన అభిమానులకు నచ్చజెప్పే ప్రయత్నం చేశారు కానీ విఫలమయ్యారు.కృష్ణ అభిమానులు తీవ్ర ఆగ్రహం వ్యక్తం చేయడంతో తన వల్ల ఎవరి మనోభావాలు దెబ్బతినకూడదని మంజుల తన నిర్ణయం మార్చుకున్నారు.

ఆమె తన నిర్ణయాన్ని మార్చుకోగానే కృష్ణ మీడియా ముందుకు వచ్చి తన కుమార్తె హీరోయిన్ గా నటించడం లేదని ప్రకటించారు.దీంతో అభిమానులు శాంతించారు.

ఐతే కృష్ణారెడ్డి మంజుల స్థానంలో సౌందర్యను ఎంపిక చేసుకొని “టాప్ హీరో” మూవీ ని పూర్తి చేశారు.