ఎవరా ఇద్దరు : తెలంగాణ నుంచి కేంద్ర కేబినెట్ లో వీరికే ఛాన్స్ 

తెలంగాణ బిజెపి అధ్యక్షుడు గత క్యాబినెట్లో కేంద్ర మంత్రిగా ఉన్న కిషన్ రెడ్డికి( Kishan Reddy ) మరోసారి అవకాశం ఇస్తారా లేకపోతే ఆయన స్థానంలో మరో నేతకు అవకాశం ఇస్తారని తేలల్సి ఉంది.రెడ్డి సామాజిక వర్గం నుంచి కిషన్ రెడ్డి , డీకే అరుణ పేర్లను బిజెపి అధిష్టానం పరిశీలిస్తుందట.వీరిలో ఒకరికి దక్కే అవకాశం ఉన్నట్లు సమాచారం .అలాగే కరీంనగర్ ఎంపీ బండి సంజయ్ ను( Bandi Sanjay ) కేంద్ర క్యాబినెట్ లోకి తీసుకుంటారనే ప్రచారం జరుగుతోంది .బీసీ కోటాలో ధర్మపురి అరవింద్ ,( Dharmapuri Arvind ) ఈటెల రాజేందర్( Etela Rajendar ) పేర్లు పరిశీలనకు వచ్చాయట. అయితే ఈటెల నుంచి బండి సంజయ్ కు గట్టి పోటీ ఎదురయ్యే అవకాశం ఉంది .ఈటెల రాజేందర్ ఎంపీగా గెలిస్తే కేంద్రంలో మంత్రి పదవి దక్కుతుందని బిజెపి అగ్రనేతలు గతంలోనే సంకేతాలు ఇవ్వడంతో,  బీసీ కోటాలో ఎవరికి మంత్రి పదవి దక్కపోతుందనేది తెలంగాణ బిజెపిలో ఆసక్తి రేపుతోంది.

ధర్మపురి అరవింద్ కు సహాయం మంత్రి పదవి దక్కే అవకాశం ఉందనే ప్రచారం జరుగుతోంది.తెలంగాణలో బిజెపి మరింత బలోపేతం అయ్యే విధంగా మంత్రి పదవుల విషయంలో బిజెపి అధిష్టానం చాలా జాగ్రత్తలే తీసుకుంటుంది.వచ్చే అసెంబ్లీ ఎన్నికల నాటికి పూర్తిగా బిజెపి ప్రభావం కనిపించే విధంగా వ్యవహారాలు మొదలు పెట్టబోతోంది .దీనిలో భాగంగానే బీఆర్ఎస్ , కాంగ్రెస్ లను అన్ని విషయాలలోను ఇరుకును పెట్టగల బలమైన నేతలకు కేంద్ర మత్రి పదవులు దక్కే అవకాశం ఉండబోతోంది.