కరోనా తర్వాత ఏం జరుగుతుంది.. బ్రహ్మంగారు కాలజ్ఞానం లో ఏం చెప్పారు?

మన భారతదేశంలో ప్రజలు ఎక్కువగా జ్యోతిషశాస్త్రానికి ప్రాధాన్యతనిస్తారు.ఎంతో సాంకేతిక అభివృద్ధి జరుగుతున్నప్పటికీ కూడా ఎక్కువ శాతం మంది జ్యోతిష్య శాస్త్రాలను ఎంతో విశ్వసిస్తారని చెప్పవచ్చు.

జ్యోతిష్య శాస్త్ర లెక్కల ఆధారంగా మార్పులు జరుగుతాయని భావిస్తుంటారు.మన పూర్వికులు ఉన్న అపర మేధాశక్తితో జరగబోయే విషయాలన్నింటినీ ముందుగానే తెలియజేశారు.

అలాంటి వాటిలో "బ్రహ్మంగారి కాలజ్ఞానం" ఎంతో ప్రాచుర్యంలో ఉంది.శ్రీ పోతులూరి వీరబ్రహ్మేంద్రస్వామి తన కాలజ్ఞానంలో ఏం జరుగుతుందో ముందుగానే రాసి ఉంచారు.

కాలక్రమేణా మన సమాజంలో మార్పులు చోటు చేసుకుంటే ఈ విషయాలన్నింటినీ బ్రహ్మంగారు తన కాలజ్ఞానంలో తెలిపారని చెబుతుంటారు.ఇలాంటి వాటిలో వేప చెట్టుకు పాలు కారడం,సాక్షాత్తు ఆ కలియుగ దైవమైన వెంకటేశ్వర స్వామి దేవాలయం మూత పడుతుందని బ్రహ్మం గారు తన కాలజ్ఞానంలో పేర్కొన్నారు.

అదే విధంగానే కరోనా సమయంలో ఆ వెంకటేశ్వరస్వామి ఆలయం మూతపడటం మనం చూస్తూనే ఉన్నాం.అలాగే 2020 వ సంవత్సరంలో విజృంభించిన అతి భయంకరమైన మహమ్మారి కరోనా గురించి బ్రహ్మం గారు తన కాలజ్ఞానంలో ముందే చెప్పారు.

"కోరంకియను జబ్బు కోటిమందికి తగిలి, కోడిలాగ తూగిసచ్చేరయ" అంటూ బ్రహ్మం గారు తన కాలజ్ఞానంలో పేర్కొన్నట్టు తెలిపారు.ఇందుకు సంబంధించిన విశేషాలు కరోనా సమయంలో సోషల్ మీడియాలో బాగా ప్రచారం అయ్యాయి.