వైసీపీ నేత, మాజీ మంత్రి బాలినేని శ్రీనివాస రెడ్డి( Balineni Srinivasa Reddy ) కీలక వ్యాఖ్యలు చేశారు.పేదలకు అన్యాయం చేయాలని చూస్తే సహించమని పేర్కొన్నారు.
సీఎం జగన్( CM Jagan ) ఆదేశాలతో ఒంగోలులో భూములు తీసుకున్నామని తెలిపారు.మళ్లీ పట్టాల పంపిణీ ఆపాలని మరోసారి కోర్టులో పిల్ వేశారని పేర్కొన్నారు.
పట్టాలు ఇవ్వకూడదని ఇలాంటి పనులు చేస్తే ప్రజలు చీదరించుకుంటారని వెల్లడించారు.ఒంగోలులో( Ongole ) పట్టాలు ఇవ్వకుంటే పోటీ చేయనని చెప్పినట్లు తెలిపారు.
అర్హులైన పేదలను అధికారులే పారదర్శకంగా ఎంపిక చేశారన్న బాలినేని అర్హులైన టీడీపీ( TDP ) వాళ్లకు కూడా పట్టాలు ఇస్తామని తెలిపారు.భూముల కొనుగోలుకు ఎకరాకు రూ.8 లక్షలు తీసుకున్నానని ఆరోపిస్తున్నారని, తనపై ఆరోపణలు రుజువు చేస్తే రాజకీయాల నుంచి తప్పుకుంటానని తెలిపారు.ఈ క్రమంలోనే ఎవరెన్ని కుట్రలు చేసినా ఇళ్ల పట్టాలు ఇస్తామని స్పష్టం చేశారు.
