కొత్త ఫోన్ కొనేటప్పుడు అందులోని ఫీచర్స్, స్పెసిఫికేషన్స్ గురించి తెలుసుకోవాలని ప్రతి ఒక్కరికి ఉంటుంది.కొత్త ఫీచర్స్ కి సంబంధించిన వివరాలను తెలుసుకోవడానికి ఓ సరికొత్త యాప్ ని ఎక్స్డీఏ డెవలపర్ అందుబాటులోకి తీసుకొచ్చింది.
‘డెవ్చెక్‘ అనే యాప్ ద్వారా మీరు మీ ఆండ్రాయిడ్ డివైజ్కు సంబంధించిన అన్ని వివరాలు సులువుగా తెలుసుకోవచ్చు.
అయితే, ఈ డెవ్చెక్ యాప్ను ఎలా ఉపయోగించాలి.?
మొదట మీ ఆండ్రాయిడ్ ఫోన్ లో ప్లే స్టోర్ ఓపెన్ చేసి.సెర్చ్ లో ‘DevCheck’ యాప్ను సెర్చ్ చేయండి.
సెర్చ్ చేయగానే డెవ్ చెక్ యాప్ లోగోలో ‘i’ గ్రీన్ సింబల్ కలిగి ఉంటుంది.దాన్ని బట్టి ఒరిజినల్ యాప్గా మనం నిర్దారించుకోవచ్చు.
యాప్లో ‘DevCheck హార్డ్వేర్, సిస్టమ్ సమాచారాన్ని తెలుసుకోవచ్చు.అనంతరం డెవ్ చెక్ యాప్ను ఇన్స్టాల్ చేసి ఓపెన్ చేయండి.
DevCheck యాప్ ఓపెన్ అవ్వగానే డ్యాష్బోర్డ్ ఆప్షన్ కనిపిస్తుంది.దానిపై క్లిక్ చేయగానే మీ స్మార్ట్ఫోన్కు సంబంధించిన అన్ని సాఫ్ట్వేర్, హార్డ్వేర్ వివరాలు అక్కడ క్లారిటీగా కనిపిస్తాయి.దీనిలో టెంపరేచర్, ఎస్ఓసీ టెంపరేచర్, జీపీయూ ఫ్రీక్వెన్సీ, బ్యాటరీ పర్సంటేజ్, రామ్, స్టోరేజ్ లాంటి పలు సమాచారాన్ని తెలుసుకోవచ్చు.అంతేకాక, ఈ యాప్ ద్వారా ఆండ్రాయిడ్ మోడల్, వెర్షన్, అప్టైమ్ వంటి వివరాలను కూడా తెలుసుకోవచ్చు.
ఒకవేళ యాప్ ఓపెన్ చేసి మీరు రైట్ సైడ్ కు స్క్రోల్ చేస్తే హార్డ్వేర్, సిస్టమ్, బ్యాటరీ లాంటి పలు పేర్లతో మరో ఏడు ట్యాబ్లు కనిపిస్తాయి.వీటిపై క్లిక్ చేసి మీ వైఫై సిగ్నల్ కు సంబంధించిన సమాచారాన్ని కూడా తెలుసుకోవచ్చు.
అంతేకాదు, డెవ్చెక్ యాప్ ద్వారానే మీ స్మార్ట్ఫోన్లోని ఇతర యాప్లను కంట్రోల్ చేసే ఆప్సన్ కూడా ఉంది.