విశ్వక్ సేన్ సినిమా రిలీజ్ అంటే కాంట్రవర్సీలు పక్కానా..ఆయన సమాధానం ఇదే!

అయితే విశ్వక్ సేన్ కు ఇదేం మొదటి సారి కాదు అని చెప్పాలి.ఎందుకంటే గతంలో చాలాసార్లు తన సినిమాల విడుదల సమయంలోనే లేనిపోని కాంట్రవర్సీలను( Controversies ) కొని తెచ్చుకున్నారు.కొన్నిసార్లు తన వ్యాఖ్యలు, చర్యలు వివాదాస్పదం అవుతుంటాయి.

అవి పబ్లిసిటీకి ఉపయోగపడుతుంటాయి కూడా.ఐతే విశ్వక్ కావాలనే కాంట్రవర్శీలు క్రియేట్ చేస్తాడనే అనుమానాలు కూడా జనాల్లో ఉన్నాయి.

అశోక వనంలో అర్జున కళ్యాణం సహా కొన్ని చిత్రాల విడుదలకు ముందు రాజుకున్న వివాదాల వల్ల ఆయా చిత్రాలకు మంచి పబ్లిసిటీ వచ్చిందన్న అభిప్రాయం ఉంది.అయితే తాజాగా లైలా సినిమా రిలీజ్ ముంగిట ఆ సినిమా ప్రి రిలీజ్ ఈవెంట్లో పృథ్వీ( Comedian Prudhvi ) చేసిన వ్యాఖ్యలు దుమారం రేపడం, దీని మీద సోషల్ మీడియాలో పెద్ద చర్చ జరగడం, బాయ్‌కాట్ లైలా హ్యాష్ ట్యాగ్ ట్రెండ్ కావడం, దీనిపై టీం ప్రెస్ మీట్ పెట్టడం ఇదంతా తెలిసిందే.

మీ ప్రతి సినిమా ముంగిట ఈ వివాదాలేంటి, పబ్లిసిటీ కోసం ఇలాంటివి మీరే చేస్తున్నారా అని విశ్వక్‌ను అడిగగా.విశ్వక్ సేన్ మాట్లాడుతూ.కాంట్రవర్శీలను ఎవరూ కోరి తెచ్చుకోరు.నాకైతే ఇవి వద్దు అనే అనిపిస్తుంది.నా చివరి మూడు సినిమాల విషయంలో వివాదాలేమీ లేవు.లైలా ఈవెంట్లో వేరే నటుడు మాట్లాడిన మాటల మీద వివాదం చెలరేగింది.

నేను మూడు నెలలకో సినిమా చేస్తున్నాను.ఏదో ఒక సినిమా విషయంలో ఏదైనా జరిగినా సరే ప్రతిసారీ కాంట్రవర్శీ వస్తున్నట్లు అనిపిస్తుంది.

రోడ్డు మీద ఎక్కువ తిరిగితేనే కదా ప్రమాదాలు జరుగుతాయి.అలాగే నేను ఎక్కువ సినిమాలు చేయడం వల్ల ఇలా జరుగుతోందేమో.

సినిమా వేడుకల్లో ఆర్టిస్టులు, టెక్నీషియన్లు సినిమాల గురించి మాత్రమే మాట్లాడాలని నిబంధన వస్తే సంతోషమే.అది పెద్దవాళ్లు తీసుకోవాల్సిన నిర్ణయం అని విశ్వక్ సేన్ తెలిపాడు.