ఈరోజుల్లో పార్టీల్లో డ్యాన్స్ చేస్తూ గుండె పోటుకు గురై చనిపోయే వారి సంఖ్య పెరుగుతోంది.చిన్నా పెద్దా అనే తేడా లేకుండా చాలా మందికి సడన్ గా గుండెపోటు రావడం ఆపై వాళ్లు మరణించడం జరుగుతోంది.
తాజాగా ఇలాంటి విచారకరమైన సంఘటన గుజరాత్‌లోని వల్సాద్ జిల్లాలో( Valsad district of Gujarat ) జరిగింది.ఒక బాలుడి పుట్టిన రోజు వేడుక జరుగుతున్న సమయంలో అతని తల్లికి గుండెపోటు వచ్చింది.
ఈ దృశ్యం చూసి అందరూ షాక్ అయ్యారు.ఏమైందో అని తెలుసుకునేలోపే ఆమె అక్కడికక్కడే మరణించింది.
కుటుంబ సభ్యులు, స్నేహితులు కలిసి ఆ వేడుక చేస్తున్న సమయంలో ఈ దురదృష్టకరం సంఘటన జరిగింది.అందరూ ఆనందంగా డ్యాన్స్ చేస్తున్న సమయంలో ఆ మహిళ తన భర్త భుజం మీద తల వాల్చి ఆకస్మాత్తుగా కింద పడిపోయింది.అందరూ భయంతో అటూ ఇటూ పరుగులు తీశారు.ఈ దృశ్యం సీసీ కెమెరాలో రికార్డ్ అయింది.
ఆమెను వెంటనే ఆసుపత్రికి తీసుకెళ్ళినప్పటికీ, వైద్యులు ఆమె ఆల్రెడీ మరణించిందని ప్రకటించారు.ఇలా ఒక సంతోషకరమైన వేడుక క్షణాల్లో విషాదాంతం అయింది.ఈ సంఘటన రాయల్ షెల్టర్ హోటల్‌లో జరిగింది.అక్కడే కుటుంబ సభ్యులందరూ కలిసి చిన్నారి పుట్టిన రోజు సెలెబ్రేట్ చేశారు.వీడియోలో అందరూ డ్యాన్స్ చేస్తూ హాయిగా కనిపించారు, ఆ తల్లి, ఆమె భర్త, వారి పిల్లలు స్టేజ్ మీద నిలబడి ఉన్నారు.ఆ బాలుడి పేరు గౌరిక్.
అతడి 5వ బర్త్ డే సెలెబ్రేషన్స్‌లో తల్లి యామినిబెన్ స్టేజీ మీద నుంచి కింద పడిపోయింది.అక్కడ ఉన్న వాళ్ళు వెంటనే యామినిబెన్ కు సహాయం చేయడానికి వెళ్ళారు.
కానీ ఫలితం లేకుండా పోయింది.
