టీఆర్ఎస్ నేతల ఎదురుదాడితో వివాదం మరింత తీవ్రత

రాజ్‌భవన్‌కి, ప్రగతి భవన్‌కు మధ్య వివాదం ముదురుతోంది.హుజూరాబాద్ ఎన్నికల వేళ కాంగ్రెస్ పార్టీని వీడి టీఆర్ఎస్‌లో చేరిన పాడి కౌశిక్ రెడ్డిని గవర్నర్ కోటాలో ఎమ్మెల్సీగా ఎంపిక చేసేందుకు ప్రభుత్వం ప్రతిపాదనలు పంపింది.

అయితే అందుకు ఆయనకు అర్హత లేదని భావించిన గవర్నర్ ఆ ఫైల్‌ను పెండింగ్‌లో పెట్టారు.అప్పటి నుంచే రాజ్‌భవన్, ప్రగతి భవన్ మధ్య వివాదం రాజుకున్నట్లు చెబుతారు.

ఆ తర్వాత కూడా పలు సంఘటనలు రెండు వ్యవస్థల మధ్య పొరపచ్చాలను తేటతెల్లం చేశాయి.

రాష్ట్ర గవర్నర్‌కి కనీసం ప్రొటోకాల్ మర్యాదలు పాటించకుండా అవమానాలకు గురిచేశారన్న విమర్శలు కూడా వచ్చాయి.

కొద్దిరోజుల కిందట గవర్నర్ తమిళిసై యాదాద్రి పర్యటనకు వెళ్తే కనీసం ఈవో స్థాయి అధికారి కూడా స్వాగతం పలకకపోవడం గమనార్హం.ఈ నేపథ్యంలో గవర్నర్ ఢిల్లీలో ప్రధాని నరేంద్ర మోదీతో భేటీ కావడం.

రాష్ట్రంలో పరిస్థితులపై చర్చించారు.గవర్నర్ వ్యవస్థలకు జరుగుతున్న అవమానాలపై ఆమె ప్రధానికి ఫిర్యాదు చేసినట్లు కూడా ప్రచారం జరుగుతోంది.

భేటీ అనంతరం గవర్నర్ చేసిన వ్యాఖ్యలు కూడా మరింత హీట్ రాజేస్తున్నాయి.

మహిళా గవర్నర్‌ని అవమానిస్తున్నారని గవర్నర్ తమిళిసై చేసిన వ్యాఖ్యలు ఆసక్తికరంగా మారాయి.

ప్రధానికి తెలంగాణ విషయాలు అన్నీ తెలుసని.ప్రత్యేకంగా చెప్పాల్సిన అవసరం లేదని ఆమె చెప్పారు.అయితే టీఆర్ఎస్ నేతలు గవర్నర్ వ్యాఖ్యలపై అభ్యంతరం వ్యక్తం చేస్తున్నారు.ప్రధానితో భేటీ అనంతరం గవర్నర్ చేసిన వ్యాఖ్యలపై మంత్రి జగదీష్ రెడ్డి అసహనం వ్యక్తం చేశారు.

ప్రభుత్వంపై గవర్నర్ ఎందుకు విమర్శలు చేస్తున్నారో అర్థం కావడం లేదన్నారు.

గవర్నర్ వ్యవస్థ గురించి సీఎం కేసీఆర్‌కి బాగా తెలుసని.వ్యవస్థల మధ్య వివాదం సరికాదని సీఎం కేసీఆర్ ఆలోచించారని ఆయన అన్నారు.ప్రభుత్వం పంంపించిన ఫైళ్లను గవర్నర్ కార్యాలయం కావాలనే ఆపేస్తోందని.

తొలుత సమయం లేదనుకున్నామన్నారు.కానీ ఆరోజు గవర్నర్ వ్యాఖ్యలతో ఉద్దేశపూర్వకంగానే చేస్తున్నారని అర్థమవుతోందన్నారు.

రాజ్‌భవన్‌లోకి రాజకీయాలు జొప్పిస్తున్నారని తీవ్ర ఆరోపణలు చేశారు.గవర్నర్ వ్యాఖ్యలు.

టీఆర్ఎస్ నేతల ఎదురుదాడితో వివాదం మరింత ముదిరే అవకాశాలు కనిపిస్తున్నాయి.