వెంకటేష్, నాగార్జున పనైపోయిందా ?

సీనియర్ హీరోలలో చిరంజీవి, బాలకృష్ణ తరువాత వెంకటేష్, నాగార్జునకు ఉండే క్రేజ్ గురించి ప్రత్యేకంగా చెప్పవలసిన అవసరం లేదు.

ఫ్యామిలీ ఆడియన్స్ లో తిరుగులేని ఇమేజ్ విక్టరీ వెంటకేష్ సొంతం.

అలాగే యూత్ లో కింగ్ నాగార్జున క్రేజ్ మామూలుగా ఉండేది కాదు.అయితే ఇదంతా ఒకప్పటి మాట.ప్రస్తుతం విక్టరీ వెంకటేష్, కింగ్ నాగార్జున సినిమాల పట్ల ఆడియన్స్ ఇంట్రెస్ట్ చూపడం లేదా అంటే ఈ మద్య వారి నుంచి వచ్చిన సినిమాలను పరిశీలిస్తే అవుననే సమాధానాలు వినిపిస్తాయి.2016లో వచ్చిన సోగ్గాడే చిన్ని నాయన తరువాత కింగ్ నాగార్జున కు ఒక్క హిట్ కూడా నమోదు కాలేదు.రాజు గారి గది 2, మన్మథుడు 2, ఆఫీసర్, వైల్డ్ డాగ్, ఈ గత ఏడాది వచ్చిన ఘోస్ట్.

ఇలా నాగ్ నటించిన మూవీస్ అన్నీ కూడా బాక్సాఫీస్ వద్ద ఘోర పరాజయాన్ని చవిచూశాయి.దాంతో నాగార్జున తదుపరి సినిమాలపై కూడా పెద్దగా క్రేజ్ తగ్గిందా ? అనే సందేహం రాక మానదు.ఇక విక్టరీ వెంకటేష్ పరిస్థితి కూడా ఇంచుమించు ఇలాగే ఉంది.

అనిల్ రావిపూడి దర్శకత్వంలో వచ్చిన " f2 " తరువాత సరైన విజయం దక్కలేదు.ఆ మూవీ కూడా మల్టీ స్టారర్ కావడంతో మూవీ విజయంలో సగం క్రెడిట్ వరుణ్ తేజ్ కు వెళ్లిపోయింది.