కాంతార సినిమా పై ప్రశంసలు కురిపించిన ది కాశ్మీర్ ఫైల్స్ డైరెక్టర్?

ప్రస్తుతం సినిమా ఇండస్ట్రీలో ఎక్కడ చూసినా కాంతార పేరు మారుమోగిపోతుంది.ఈ సినిమా గత నెల 31 తేదీ కన్నడ చిత్ర పరిశ్రమలో విడుదలైంది.

ఈ సినిమా కన్నడ ఇండస్ట్రీలో ఎంతో పేరు ప్రఖ్యాతలు సంపాదించుకోవడంతో ఈ సినిమాని వివిధ భాషలలో విడుదల చేయడానికి హోంబలే నిర్మాణ సంస్థ సిద్ధమయ్యారు.ఈ క్రమంలోనే ఈ సినిమా తెలుగు తమిళ హిందీ భాషలలో కూడా విడుదల కాగా ఇక్కడ కూడా ఎంతో మంచి ఆదరాభిమానాలను సొంతం చేసుకుంది.

ఇక ఈ సినిమాపై ఇప్పటికే ఎంతోమంది సినీ సెలబ్రిటీలు స్పందిస్తూ తమదైన శైలిలో సినిమాపై ప్రశంసలు కురిపిస్తూ కామెంట్లు చేశారు.ఈ క్రమంలోనే ది కాశ్మీర్ ఫైల్స్ డైరెక్టర్ వివేక్ అగ్నిహోత్రి సైతం ఈ సినిమా చూసిన అనంతరం ఈ సినిమా పై తన అభిప్రాయాన్ని వెల్లడిస్తూ ట్విట్టర్ వేదికగా ఓ సెల్ఫీ వీడియోని షేర్ చేశారు.

ట్విట్టర్ వేదికగా తన అభిప్రాయాన్ని వీడియో రూపంలో తెలియజేసిన ఈయన @శెట్టి రిషబ్ మాస్టర్ పీస్ #కాంతార సినిమా చూడటం పూర్తయింది.ఒక్కమాటలో చెప్పాలంటే ఇది అద్భుతం.

అద్భుతమైన అనుభవం.వీలైనంత త్వరగా ఈ సినిమాని చూడండి అంటూ వివేక్ అగ్నిహోత్రి అభిమానులకు పిలుపునిచ్చారు.

ఒక రకమైన నవల అనుభూతిని కలిగించింది.

ముఖ్యంగా ఈ సినిమా క్లైమాక్స్ ఎంతో అద్భుతంగా ఉందని,ఈ సినిమాలో సంస్కృతి సాంప్రదాయాలు జానపద కళలు ఎంతో అద్భుతంగా చూపించబడ్డాయి దీపావళి అయిపోయిన తర్వాత కూడా అందరూ వచ్చి ఈ సినిమా చూడాల్సిందే అంటూ ఈయన కాంతార సినిమా గురించి ట్విట్టర్ వేదికగా తన అభిప్రాయాన్ని తెలియజేశారు.ఇలా వివేక్ అగ్నిహోత్రి సినిమా గురించి తన అభిప్రాయాన్ని తెలియజేస్తూ చేసినటువంటి ట్వీట్ వైరల్ గా మారింది.