అసెంబ్లీ గౌరవాన్ని పెంచుతున్న తెలంగాణ !

సాధారణంగా అసెంబ్లీ సమావేశాలు అంటే అధికార ప్రతిపక్షాల మధ్య మాటల యుద్ధాలు కొట్లాటలే తప్ప ప్రజా సమస్యలను చర్చించి పరిష్కరించడం కానీ లేక ప్రత్యర్థి పార్టీల సభ్యులకు గౌరవివ్వటం కాని మచ్చుకు కూడా ఈ మధ్య కనిపించడం లేదు.

అయితే తెలంగాణ అసెంబ్లీ( Telangana Assembly ) మాత్రం దేశంలోని ఇతర అసెంబ్లీలకు భిన్నంగా పూర్తి సహృద్భావ వాతావరణంలో సమావేశాలు జరుగుతూ ఉండటం తెలంగాణ ఔన్నత్యాన్ని ప్రతిబింబిస్తూ ఉంది.

ఇక్కడ కూడా అధికార ప్రతిపక్ష పార్టీల మధ్య వాదోపవాదాలు జరుగుతున్నా కూడా అదంతా ఎవరి మర్యాదకు లోటు లేకుండా సభ్యులు జాగ్రత్తలు తీసుకోవడం గమనార్హం.ఒకరిపై ఒకరు విమర్శలు బాణాలు వేసుకుంటున్నా కూడా ప్రత్యర్ధి గౌరవానికి లోటు లేకుండా పూర్తిస్థాయి అర్థవంతమైన పదాలు మాత్రమే ఉపయోగిస్తూ తమ గొప్పతనాన్ని చెప్పుకోవడానికి ఇరు పార్టీల సభ్యులు ప్రాధాన్యత ఇవ్వటం హర్షించాల్సిన విషయం అనేది చెప్పాలి.

ఒకరకంగా తెలుగు రాష్ట్రాల అసెంబ్లీలను కంపేర్ చేసి చూసినప్పుడు తెలంగాణ అసెంబ్లీ నిర్వహణ గొప్పతనం అర్థమవుతుంది.