రైలు పట్టాలపై సోలార్ ( Solar on Rails )ప్యానెళ్లమేమిటి అని ఆలోచిస్తున్నారా? విషయం తెలియాలంటే ఈ పూర్తి కధనాన్ని చదవండి.ఈ మధ్య కాలంలో చూసుకుంటే సోలార్ ప్యానెల్స్( Solar panels ) సహాయంతో ఎంతోమంది ఇన్వెర్టర్లు, మోటార్స్ ఏర్పాటు చేసుకుంటున్నారు.
ఈ క్రమంలోనే చాలామంది సోలార్ ప్యానెల్స్ వినియోగాన్ని వివిధ రంగాలలో వాడడానికి ఉత్సాహాన్ని చూపుతున్నారు.ఎందుకంటే, వీటివలన విద్యుత్ ఖర్చుని విపరీతంగా ఆదాచేయవచ్చు.
అయితే అదే సోలార్ ప్యానళ్లు రైలు పట్టాలపై ఎలా ఏర్పాటు చేస్తున్నారు అనే విషయం తెలియాలంటే మీరు స్విట్జర్లాండ్( Switzerland ) వెళ్లాల్సిందే.
రైలు ప్రయాణానికి రైలు మార్గంలో రెండు పట్టాలు మాత్రమే ఉంటాయి.అయితే ఆ రైలు వెళ్లే మార్గంలో చాలా స్థలాన్ని కేటాయిస్తూ వుంటారు.స్విట్జర్లాండ్కు చెందిన ఓ స్టార్టప్ కంపెనీ ఆ స్థలాన్ని కూడా వినియోగించేలా సౌర ఫలకలను రూపొందించింది.
ఈ సోలార్ ప్యానెళ్లను 2 పట్టాలకు మధ్య అమర్చుతారు.దీనివల్ల రైలు రాకపోకలకు ఎలాంటి ఇబ్బందులు అనేవి ఉండవు.
అదేవిధంగా వాటి మధ్య అమర్చిన సోలార్ ప్యానెళ్లకు కూడా ఏం కాదు.వాటిని కావాల్సినప్పుడు తొలగించవచ్చు కూడా.
ఈ సందర్భంగా స్విట్జర్లాండ్ స్టార్టప్ సన్-వేస్ మాట్లాడుతూ… “రైలు మార్గాల్లో చాలావరకు కేటాయించిన స్థలం అనేది వృధాగా పోవడం చూసి ఈ ఆలోచన వచ్చింది.ఎప్పటినుండో మేము దీనికోసం కృషి చేస్తూ వస్తున్నాము.అలాంటి స్థలాన్ని కూడా వాడుకొనే ఉద్దేశంతోనే మేము వీటిని అభివృద్ధి చేసాము.ఇక వీటిని ఇక్కడే కాకుండా ప్రపంచ వ్యాప్తంగా ఉన్న అన్ని రైలు మార్గాల్లో కూడా అమర్చవచ్చు.” అని పేర్కొన్నారు.
