కెరాటిన్ ట్రీట్మెంట్( Keratin Treatment ). ఇటీవ‌ల కాలంలో ఇది అత్యంత ప్రాచూర్యం పొందింది.
షైనీ, స్ట్రెయిట్ మరియు హెల్తీగా కనిపించే హెయిర్ కోసం చాలా మంది ప్రతి నెలా సెలూన్ కు వెళ్లి కెరాటిన్ ట్రీట్మెంట్ చేయించుకుంటున్నారు.ఈ ట్రీట్మెంట్ లో మీ జుట్టుకు సింథటిక్ కెరాటిన్‌తో పూత పూస్తారు.
ఇది మీ జుట్టులో తప్పిపోయిన ప్రోటీన్‌ను కృత్రిమంగా భర్తీ చేస్తుంది.జుట్టును స్టైల్ చేయడం సులభత‌రం చేస్తుంది.
కురులను మృదువుగా మరియు మెరిసేలా ప్రోత్స‌హిస్తుంది.జుట్టు చిట్లిపోకుండా కాపాడుతుంది.
మీ జుట్టు యొక్క ఆకృతిని మెరుగుపరుస్తుంది.మీ జుట్టు యొక్క నిర్మాణాన్ని బలపరుస్తుంది.
స్ట్రెయిట్ హెయిర్( Straigtht Hair ) ను అందిస్తుంది.అయితే కెరాటిన్ ట్రీట్మెంట్ తో లాభాలే కాకుండా ఎన్నో న‌ష్టాలు కూడా ఉన్నాయి.
నిజానికి కెరాటిన్ హెయిర్ ట్రీట్మెంట్ అన్ని రకాల జుట్టుకు తగినది కాదు.కెరాటిన్ చికిత్స అద్భుతాలు చేస్తుంది.
కానీ ఫలితం ఎక్కువ కాలం ఉండదు.
పైగా ప్రతి నెలా కెరాటిన్ ట్రీట్మెంట్ చేయించుకోవ‌డం వ‌ల్ల మీ జుట్టు ఆరోగ్యం క్ర‌మంగా దెబ్బ తింటుంది.కురులు పెళుసుగా మార‌తాయి.హెయిర్ డ్యామేజ్( Hair Damage ) ఎక్కువ అవుతుంది.
అలాగే కెరాటిన్ చికిత్స దుష్ప్రభావాలలో జుట్టు రాలడం ఆందోళ‌న‌కు గురిచేసే అంశం.అంతేకాకుండా కెరాటిన్ చికిత్సలో ఉపయోగించే రసాయనాలు కళ్ళు, చర్మం మరియు శ్వాసకోశ వ్యవస్థకు హాని కలిగించే బలమైన వాయువుల‌ను విడుదల చేస్తాయి.
కానీ ఈ విష‌యం చాలా మందికి తెలియ‌దు.కెరాటిన్ చికిత్సలో కెరాటిన్‌ని ఉపయోగించేందుకు అనేక దశలు ఉంటాయి.
సెలూన్‌లో మీ జుట్టును సిల్కీ మరియు స్ట్రెయిట్( Silky and Straight Hair ) చేయడానికి ముందు క్రీమ్ కలిగిన ఫార్మాల్డిహైడ్‌తో చికిత్స చేస్తారు.ఇది కంటికి చికాకు కలిగించవచ్చు.మరియు ఇది ఒక క్యాన్సర్( Cancer ) కారకం.ఫార్మాల్డిహైడ్( Formaldehyde )కు దీర్ఘకాలికంగా గురికావడం వ‌ల్ల క్యాన్సర్ అభివృద్ధి చెందే అవ‌కాశాలు ఎక్కువగా ఉంటాయి.అంతేకాకుండా ఫార్మాల్డిహైడ్ పీల్చిడం వ‌ల్ల శ్వాస సమస్యలు త‌లెత్తుతాయి.అందుకే ఏడాదికి ఒక‌సారికి మించి కెరాటిన్ ట్రీట్మెంట్ చేయించుకోకూడ‌ద‌ని నిపుణులు చెబుతున్నారు.
ఇంట్లోనే స‌హ‌జ కెరాటిన్ మాస్క్‌లు వేసుకోవ‌డం ఉత్త‌మం అని సూచిస్తున్నారు.
