బీఆర్ఎస్ తో కలిసి వెళ్లాలా వద్దా ? సందిగ్ధం లో ఎర్ర పార్టీలు ?

తెలంగాణలోని వామపక్ష పార్టీలైన సిపిఐ, సిపిఎం( CPI, CPM ) లకు పెద్ద చిక్కే వచ్చి పడింది.

వచ్చే అసెంబ్లీ ఎన్నికల్లో బీఆర్ఎస్ తో పొత్తు పెట్టుకుని ముందుకు వెళ్లాలా లేదా అనే విషయంలో రెండు పార్టీలలోను గందరగోళం నెలకొంది.

తమతో సఖ్యత గా ఉన్నట్టుగానే బిఆర్ఎస్( Brs ) వ్యవహరిస్తున్న,  పొత్తులో భాగంగా సీట్ల కేటాయింపు విషయంలోనే మౌనంగా ఉండి పోవడం వంటివి అనేక అనుమానాలను కలిగిస్తున్నాయి.మునుగోడు అసెంబ్లీ ఉప ఎన్నికల్లో టిఆర్ఎస్ తో పొత్తు పెట్టుకుని వామ పక్ష పార్టీలు ముందుకు వెళ్లినా,  ఇప్పుడు దూరంగానే ఉన్నట్లుగా వ్యవహరిస్తున్నాయి.

పొత్తుల విషయంలో బీఆర్ఎస్ పూర్తిగా సైలెంట్ అయిపోవడంతో, తాము ఏ విధంగా ముందుకు వెళ్లాలనే విషయంలో గందరగోళానికి గురవుతున్నాయి.బీఆర్ఎస్ వైఖరితో వచ్చే ఎన్నికల్లో ఆ పార్టీతో పొత్తు ఉంటుందా లేదా అనే విషయాన్ని సొంత పార్టీ నేతలకు కూడా చెప్పుకోలేని పరిస్థితుల్లో రెండు పార్టీలు ఉన్నాయి.