వ‌య‌సు పైబ‌డే కొద్ది ఎముక‌లు బ‌ల‌హీనంగా మార‌డం స‌ర్వ సాధార‌ణం.కానీ, ప్ర‌స్తుత రోజుల్లో యంగ్ ఏజ్ వారు సైతం ఈ స‌మ‌స్య‌తో తీవ్రంగా బాధ ప‌డుతున్నారు.
ఎముక‌ల బ‌ల‌హీన‌త కార‌ణంగా ఏ ప‌ని చేయ‌లేక‌పోతుంటారు.ఎప్పుడూ నీర‌సంగా, బ‌ల‌హీనంగా క‌నిపిస్తారు.
క‌నీసం నిల‌బ‌డ‌టానికి కూడా ఇబ్బంది ప‌డుతుంటారు.అందుకే ఎముక‌ల బ‌ల‌హీన‌త‌ను ఏ మాత్రం నిర్ల‌క్ష్యం చేయ‌కూడ‌ద‌ని ఆరోగ్య నిపుణులు చెబుతుంటారు.
అయితే ఈ స‌మ‌స్య‌ను నివారించ‌డంలో కొన్ని కొన్ని ఆహారాలు అద్భుతంగా స‌హాయ‌ప‌డ‌తాయి.
అటువంటి వాటిల్లో స‌పోటా పండు కూడా ఒక‌టి.
ఈ పండు మ‌ధుర‌మైన రుచిని కలిగి ఉండ‌ట‌మే కాదు.విట‌మిన్ ఎ, విట‌మిన్ సి, విట‌మిన్ ఇ, ఐర‌న్‌, కాప‌ర్‌, కాల్షియం, మెగ్నీషియం, పొటాషియం, ఫైబ‌ర్‌, ప్రోటీన్‌, యాంటీ అక్సిడెంట్స్ వంటి పోష‌కాలు సైతం పుష్ప‌లంగా ఉంటాయి.
అందుకే ఆరోగ్య ప‌రంగా స‌పోటా అనేక ప్ర‌యోజ‌నాల‌ను అందిస్తుంది.ముఖ్యంగా ఎముక‌ల బ‌ల‌హీన‌త‌తో స‌త‌మ‌తం అవుతున్న వారు.
ప్రతి రోజు రెండు స‌పోటా పండ్ల‌ను తినాలి.ఇలా చేస్తే గ‌నుక వాటిల్లో ఉండే కాల్షియం మ‌రియు పాస్పరస్‌లు ఎముక‌ల‌ను దృఢంగా మారుస్తాయి.
ఎముక‌ల పటుత్వం కూడా పెరుగుతుంది.
అలాగే వెయిట్ లాస్ అయ్యేందుకు ప్ర‌య‌త్నిస్తున్న వారికీ స‌పోటా పండ్లు గ్రేట్‌గా స‌హాయ‌ప‌డ‌తాయి.వీటిని రోజూ తీసుకుంటే అతి ఆక‌లి త‌గ్గి.చిరుతిండ్ల‌పై మ‌న‌సు మ‌ల్ల‌కుండా ఉంటుంది.
ఫ‌లితంగా వెయిట్ లాస్ అవుతారు.అంతేకాదండోయ్‌ రోజుకు రెండు స‌పోటా పండ్ల‌ను తిన‌డం వ‌ల్ల నిద్ర‌లేమి స‌మ‌స్య నుంచి విముక్తి ల‌భిస్తుంది.
జీర్ణ‌క్రియ స‌క్ర‌మంగా సాగుతుంది.శ‌రీరం ఎల్ల‌ప్పుడూ యాక్టివ్‌గా, ఎన‌ర్జిటిక్‌గా ఉంటుంది.
కంటి చూపు మెరుగు ప‌డుతుంది.ఒత్తిడి, త‌ల‌నొప్పి వంటివి దూరం అవుతాయి.
మ‌రియు క్యాన్స‌ర్ వ‌చ్చే రిస్క్ కూడా త‌గ్గుతుంది.కాబ‌ట్టి, ఒక‌పై స‌పోటా పండ్లు క‌నిపిస్తే అస్స‌లు వ‌దిలిపెట్ట‌వ‌ద్దు.
