బాబోయ్.. మనాలి నుంచి కన్యాకుమారికి స్కేట్‌బోర్డ్‌పై ప్రయాణం.. హిస్టరీ క్రియేటెడ్!

స్కేట్‌బోర్డ్‌పై( Skateboard ) పదుల కిలోమీటర్లు కవర్ చేయడం సులభమే కానీ వేల కిలోమీటర్లు దానిపై ప్రయాణించడం అంటే అది మాటలు కాదు.

ముఖ్యంగా మనాలి నుంచి కన్యాకుమారి వరకు స్కేట్‌బోర్డ్‌పై ప్రయాణం అసాధ్యమని చెప్పుకోవచ్చు.

కానీ రితిక్ క్రాట్జెల్( Ritik Kratzel ) ఆసాధ్యాన్ని సుసాధ్యమని నిరూపించాడు.చిన్న బ్యాక్‌ప్యాక్ మాత్రమే తోడుగా, ఈ యువ స్కేట్‌బోర్డర్ 90 రోజుల పాటు భారతదేశాన్ని ఒక చివర నుంచి మరొక చివర వరకు స్కేట్ చేస్తూ చరిత్ర సృష్టించాడు.

దట్టమైన పొగమంచు, చెడిపోయిన రోడ్లు, గూగుల్ మ్యాప్స్ పనిచేయకపోవడం వంటి ఎన్నో సవాళ్లను ఎదుర్కొన్నాడు రితిక్.కానీ అతని ధైర్యం, స్కేట్‌బోర్డింగ్ పట్ల ఉన్న అభిరుచి అతనికి ఊతం ఇచ్చాయి.

ఇన్‌స్టాగ్రామ్‌లో రితిక్ తన యాత్రను డాక్యుమెంట్ చేశాడు.అతని స్కేటింగ్ వీడియోలు దారిలో చూసిన అందమైన దృశ్యాలు, ఎదుర్కొన్న సవాళ్ల గురించి తెలియజేస్తూ అందరినీ ఆకట్టుకున్నాయి.

రితిక్ యాత్ర ఒక సాహసోపేతమైన కథ మాత్రమే కాదు, సంకల్పం ఏం సాధించగలదో తెలియజేసే ఒక ప్రేరణాత్మక కథ కూడా.