ఓ వైపు కలెక్టరేట్ లో కీలక సమావేశం.. మరోవైపు ఫోన్లో రమ్మీ ఆడుతున్న అధికారి

అనంతపురం కలెక్టరేట్‌లో( Anantapuram Collectorate ) ఓ రెవెన్యూ అధికారి( Revenue Officer ) నిర్వహించిన పని ఇప్పుడు తీవ్ర చర్చనీయాంశంగా మారింది.

ఓ కీలక సమావేశంలో పాల్గొన్న జిల్లా రెవెన్యూ అధికారి (డీఆర్వో) మలోల తన సెల్‌ఫోన్‌లో రమ్మీ ఆడుతూ కెమెరాకు చిక్కారు.

ఈ ఘటన కలెక్టరేట్ ఆవరణంలోనే ఎస్సీ వర్గీకరణపై ఏకసభ్య కమిషన్ ఛైర్మన్ రాజీవ్ రంజన్ మిశ్రా అధ్యక్షతన జరిగిన సమావేశంలో చోటుచేసుకుంది.ఈ సమావేశానికి అనంతపురం జిల్లా కలెక్టర్ వినోద్ కుమార్, శ్రీ సత్యసాయి జిల్లా కలెక్టర్ చేతన్, ఎస్పీ జగదీష్, అసిస్టెంట్ కలెక్టర్ వినూత్న, ఇతర ప్రముఖ అధికారులు హాజరయ్యారు.

వీరు ప్రజల నుంచి వినతులు స్వీకరించి వారి సమస్యలు, అభిప్రాయాలు తెలుసుకుంటున్న సమయంలో డీఆర్వో మలోల తమ పని చేసుకోవాల్సింది పక్కన పెట్టి తన ఫోన్‌లో రమ్మీ( Rummy ) ఆడడం కెమెరాలో స్పష్టంగా కనిపించింది.ఇందుకు సంబంధించిన వీడియో వైరల్ అయ్యింది.