టాలీవుడ్ ఇండస్ట్రీలో మంచు ఫ్యామిలీకి ప్రత్యేక గుర్తింపు ఉంది.మంచు మోహన్ బాబు నటించిన సినిమాలలో ఎన్నో సినిమాలు సంచలన విజయం సాధించాయి.
అయితే ఈ మధ్య కాలంలో మంచు హీరోలకు వరుస షాకులు తగులుతున్నాయి.గతేడాది విష్ణు నటించి విడుదలైన మోసగాళ్లు సినిమా భారీ బడ్జెట్ తో తెరకెక్కినా కమర్షియల్ గా ఆశించిన స్థాయిలో సక్సెస్ సాధించకపోవడం గమనార్హం.
ఈ సినిమా ఫుల్ రన్ లో కేవలం 2 కోట్ల రూపాయలకు అటూఇటుగా కలెక్షన్లను సొంతం చేసుకుంది.కాజల్ అగర్వాల్ ఈ సినిమాలో కీలక పాత్రలో నటించినా ఈ సినిమా ఆశించిన స్థాయిలో సక్సెస్ సాధించలేదు.
ఆ తర్వాత మంచు విష్ణు మూవీ ఆర్టిస్ట్ అసోసియేషన్ అధ్యక్షునిగా పోటీ చేసిన సంగతి తెలిసిందే.ఆ సమయంలో విష్ణుకు సంబంధించిన కొన్ని వీడియోలు సోషల్ మీడియాలో వైరల్ అయ్యాయి.
ఆ వైరల్ అయిన వీడియోల వల్లే మంచు ఫ్యామిలీపై కొంతమందిలో నెగిటివిటీ ఏర్పడింది.మంచు విష్ణు, అతని కుటుంబం టార్గెట్ గా సోషల్ మీడియాలో ట్రోల్స్ వచ్చాయి.
సన్నాఫ్ ఇండియా సినిమా రిలీజ్ సమయంలో ఈ ట్రోల్స్ మరింత ఎక్కువయ్యాయి.జిన్నా సినిమా సమయంలో ఈ ట్రోలింగ్ ఎక్కువగా లేకపోయినా సినిమాకు కలెక్షన్లు మాత్రం చెప్పుకోదగ్గ స్థాయిలో రాలేదు.
నిన్న విడుదలైన సినిమాల్లో అతి తక్కువ కలెక్షన్లు సాధించిన సినిమా ఇదే కావడం గమనార్హం.
జిన్నా సినిమాకు పాజిటివ్ టాక్ వచ్చినా ఈ సినిమా బ్రేక్ ఈవెన్ అవుతుందో లేదో చూడాల్సి ఉంది.జిన్నా సినిమా కలెక్షన్ల గురించి మంచు విష్ణు ఏ విధంగా రియాక్ట్ అవుతారో చూడాల్సి ఉంది.మంచు విష్ణు కెరీర్ విషయంలో మరింత జాగ్రత్తగా అడుగులు వేయాల్సి ఉందని కొంతమంది సూచనలు చేస్తున్నారు.
మంచు విష్ణు తర్వాత ప్రాజెక్ట్ లకు గురించి స్పష్టత రావాల్సి ఉంది.
తెలుగు వార్త విశేషాలు సులభముగా తెలుసుకోండి!!!!
