గత కొంత కాలంగా రామాయణం కథను మళ్ళీ సినిమాగా తెరపైకి తెచ్చేందుకు మేకర్స్ సిద్ధం అవుతున్నారనే వార్తలు వైరల్ అవుతున్నాయి.ఇటీవలే 500 కోట్ల భారీ బడ్జెట్ తో తెరకెక్కిన ఆదిపురుష్ ( Adipurush ) కూడా రామాయణం ఆధారంగానే తెరకెక్కింది.
ఈ సినిమా మిశ్రమ స్పందన తెచ్చుకుని భారీ నష్టాలను మూటగట్టుకుంది.అంతేకాదు ఈ సినిమాపై ఓ రేంజ్ లో విమర్శలు వచ్చాయి.
ఇలా రామాయణం ఆధారంగా ఇప్పటికే మన తెలుగుతో పాటు మిగిలిన భాషల్లో కలిపి చాలానే సినిమాలు వచ్చాయి.అయినా ఇంకా రామాయణం కథను మళ్ళీ సినిమాగా తెరపైకి తీసుకు వచ్చేందుకు సన్నాహాలు జరుగుతున్నట్టు తెలుస్తుంది.బాలీవుడ్ లో స్టార్ హీరో అయినటువంటి రణబీర్ కపూర్ రాముడి పాత్రలో చేయబోతున్నాడు అనే టాక్ వైరల్ అయ్యింది.
అంతేకాదు సీతగా సాయి పల్లవి, రావణుడి పాత్రలో కేజిఎఫ్ స్టార్ యష్ నటించ బోతున్నట్టు ఊహాగానాలు నెట్టింట తెగ వైరల్ అవుతున్నాయి.ఈ భారీ బడ్జెట్ సినిమాను బాలీవుడ్ ప్రముఖ డైరెక్టర్ నితీష్ తివారి( Director Nitish Tiwari ) తెరకెక్కించ బోతున్నాడు అనే రూమర్స్ ఇప్పుడు వైరల్ గా మారాయి.2024లో షూట్ స్టార్ట్ అవుతుందట.ఈ సినిమా కోసం విఎఫ్ఎక్స్ విషయంలో చాలా జాగ్రత్తలు తీసుకోనున్నారని ఆస్కార్ విన్నింగ్ సినిమాలకు విఎఫ్ఎక్స్ చేసిన వారిని రంగంలోకి దించనున్నట్టు బాలీవుడ్ మీడియా చెబుతుంది.అంతేకాదు రెండు పార్టులుగా ఈ సినిమాను రిలీజ్ చేయనున్నారట.
ఈ సినిమాను మధు మంతనా నిర్మిస్తున్నారని సమాచారం.మొత్తానికి మరో రామాయణం కోసం గట్టిగానే ప్రయత్నాలు జరుగుతున్నాయి.
ఈ మూవీ అయినా హిట్ అవుతుందో లేదో చూడాలి.
