ఎన్టీఆర్ కొరటాల శివ కాంబినేషన్ మూవీ ప్రీ ప్రొడక్షన్ పనులు తాజాగా మొదలు కాగా ఈ సినిమా భారీ బడ్జెట్ తో తెరకెక్కుతున్న సంగతి తెలిసిందే.ఈ సినిమాకు సంబంధించి ఇప్పటికే కొన్ని టైటిల్స్ వినిపించగా ప్రస్తుతం దేవర అనే టైటిల్ వినిపిస్తుండటం సోషల్ మీడియాలో చర్చనీయాంశం అయింది.
బండ్ల గణేష్ పవన్ కళ్యాణ్ తో ఇదే టైటిల్ తో సినిమాను తెరకెక్కించాలని భావించిన సంగతి తెలిసిందే.
అయితే కొరటాల శివ మాత్రం తన సినిమా కథ ప్రకారం దేవర అనే టైటిల్ సూట్ అవుతుందని భావిస్తున్నట్టు తెలుస్తోంది.
బండ్ల గణేష్ చాలా కాలం క్రితమే దేవర అనే టైటిల్ ను రిజిష్టర్ చేయించారు.అయితే ఈ విధంగా రిజిష్టర్ చేసిన టైటిల్స్ ను సినిమా తీసే వరకు రెన్యూవల్ చేయించుకోవాల్సి ఉంటుంది.
అయితే రెన్యూవల్ చేసుకోవడం బండ్ల గణేష్ మరిచిపోవడంతో కొరటాల శివ ఈ టైటిల్ ను రిజిష్టర్ చేయించారు.
అయితే ఎన్టీఆర్ సినిమాకు కొరటాల శివ ఈ టైటిల్ ను ఫిక్స్ చేసినట్టు అధికారిక ప్రకటన రావాల్సి ఉంది.
బండ్ల గణేష్ ఈ టైటిల్ కు సంబంధించి కొరటాల శివపై సీరియస్ అయ్యారని ఇండస్ట్రీ వర్గాల్లో జోరుగా వినిపిస్తుండటం గమనార్హం.పవన్ మూవీ టైటిల్ ను ఎన్టీఆర్ కొరటాల కాంబో మూవీకి వాడితే తారక్ ఫ్యాన్స్ సైతం అంగీకరించే అవకాశాలు అయితే ఉండవని చెప్పవచ్చు.
అతి త్వరలో ఈ టైటిల్ కు సంబంధించి మరింత స్పష్టత వచ్చే ఛాన్స్ అయితే ఉంది.ఎన్టీఆర్ సైతం ఈ టైటిల్ విషయంలో నో చెప్పే అవకాశాలు ఎక్కువగా ఉంటాయి.అయితే నిబంధనల ప్రకారమే కొరటాల శివ టైటిల్ ను రిజిష్టర్ చేయించుకున్న నేపథ్యంలో ఆయన ఈ టైటిల్ ను ఫిక్స్ చేసినా ఎలాంటి ఇబ్బందులు రావు.