అవును, చైనా( China ) వైమానిక రంగంలో సరికొత్త అధ్యాయానికి పునాది పడింది.చైనాలో దేశీయంగా తయారు కాబడిన భారీ ప్రయాణికుల విమానం సీ919 మొదటిసారి ఆదివారం గాల్లోకి ఎగిరినట్టు చైనా మీడియాలు ప్రకటించాయి.
షాంఘై( Shanghai ) నుంచి బీజింగ్‌కు ప్రయాణించినట్లు అక్కడి ప్రభుత్వ న్యూస్ ఏజెన్సీ షినూవా కూడా ఓ ప్రకటనలో చెప్పుకొచ్చింది.ఉదయం సర్రిగా 10.32కు షాంఘై నుంచి బయల్దేరిన ఈ విమానం మధ్యాహ్నాం 12.31కు బీజింగ్‌లోని అంతర్జాతీయ విమానాశ్రయంలో ల్యాండ్‌ అయినట్టు తెలుస్తోంది.
ఇకపోతే ఈ సీ919కోసం చైనాలో ఏళ్ల తరబడి పరిశోధనలు చేసినట్టు తెలుస్తోంది.ఎట్టకేలకు మేడిన్‌ చైనా 2025 వ్యూహానికి ఈ విమానం మరింత బలాన్ని చేకూర్చనుందనే చెప్పుకోవచ్చు.ఈ సందర్భంగా ‘కమర్షియల్‌ ఎయిర్‌క్రాఫ్ట్‌ కార్పొరేషన్‌ ఆఫ్‌ చైనా’( Commercial Aircraft Corporation of China ) మార్కెటింగ్‌ అండ్ సేల్స్‌ డైరెక్టర్ అయినటువంటి ఝాంగ్‌ షియాగువాంగ్‌ మాట్లాడుతూ… ”మా ఈ సరికొత్త విమానం భవిష్యత్తులో మార్కెట్‌ పరీక్షలను తట్టుకొంటూ దూసుకుపోతుంది.” అని పేర్కన్నారు.కాగా ఈ విమానం ఏకధాటిగా 5,555 కిలోమీటర్ల దూరం ప్రయాణించగలదని చెప్పుకొచ్చారు.
దాంతో ఎయిర్‌బస్‌ ఎ 320, బోయింగ్‌ బీ737 విమానాలకు భవిష్యత్తులో ఇది బలమైన పోటీ ఇస్తుందని చైనా బలంగా విశ్వసిస్తోంది.ఇక సాధారణంగా ఈ రకం విమానాలను దేశీయ, సమీప దేశ ప్రయాణాలకు ఎక్కువగా వినియోగిస్తుంటారు.కమర్షియల్‌ ఎయిర్‌క్రాఫ్ట్‌ కార్పొరేషన్‌ ఆఫ్‌ చైనా నిర్మించిన సీ919 విమానాన్ని 2022 డిసెంబర్‌లో చైనా ఈస్టర్న్‌ ఎయిర్‌లైన్స్‌కు సరఫరా చేయడం జరిగింది.
ఆ తరువాత దీనికి పలు పరీక్షలు నిర్వహించగా ఇది సమర్ధవంతంగా పయనించగలదు అని తేలింది.కాగా ఈ విమానంలో బిజినెస్‌, ఎకానమీ క్లాస్‌లు ఉన్నాయి.164 మంది ప్రయాణించవచ్చు.ఇక ఈ విమానపు ముక్కు, రెక్కలు, ఇతర వ్యవస్థలను చైనా అభివృద్ధి చేయగా ఇంజిన్‌ తయారీలో మాత్రం జనరల్‌ ఎలక్ట్రిక్స్‌, ఫ్రాన్స్‌కు చెందిన ‘సాఫ్రాన్‌’ సాయం తీసుకున్నట్టు విశ్వసనీయ వర్గాల సమాచారం.
తెలుగు వార్త విశేషాలు సులభముగా తెలుసుకోండి!!!!
అవీ...ఇవి
టాప్ స్టోరీస్
క్రైమ్ న్యూస్
అవీ...ఇవి
ప్రత్యేకం
