యంగ్ టైగర్ ఎన్టీఆర్ ప్రస్తుతం దర్శకధీరుడు రాజమౌళి డైరెక్షన్‌లో తెరకెక్కుతున్న ప్రెస్టీజియస్ మల్టీస్టారర్ మూవీ ఆర్ఆర్ఆర్‌లో నటిస్తున్న సంగతి తెలిసిందే.ఈ సినిమాలో తారక్ కొమురం భీం పాత్రలో నటిస్తుండగా మరో స్టార్ హీరో మెగా పవర్ స్టార్ రామ్ చరణ్ అల్లూరి సీతారామరాజు పాత్రలో నటిస్తున్నాడు.
ఈ సినిమాలోని తారక్ ఫస్ట్ లుక్‌ను అతడి పుట్టినరోజు అయిన మే 20న రిలీజ్ చేసేందుకు ఆర్ఆర్ఆర్ చిత్ర యూనిట్ ప్లాన్ చేస్తోంది.
కాగా ఈ సినిమా రిలీజ్ కాకముందే తారక్ తన నెక్ట్స్ మూవీని మాటల మాంత్రికుడు త్రివిక్రమ్ డైరెక్షన్‌లో తెరకెక్కించేందుకు రెడీ అయ్యాడు.
ఇప్పటికే ఈ సినిమాను అఫీషియల్‌గా లాంఛ్ చేసిన తారక్, త్వరలో ఈ సినిమా రెగ్యులర్ షూటింగ్‌ను ప్రారంభించేందుకు రెడీ అవుతున్నాడు.ఇక ఈ సినిమాలో త్రివిక్రమ్ తన గత చిత్రాలలోని సెంటిమెంట్‌ను ఫాలో అవ్వాలని చూస్తున్నాడు.
గతంలో పవన్ కళ్యాణ్ నటించిన అజ్ఞాతవాసి చిత్రంలో యంగ్ హీరో ఆది పినిశెట్టి ఓ కీలకపాత్రలో నటించిన సంగతి తెలిసిందే.
ఆ తరువాత అరవింద సమేత చిత్రంలో నవీన్ చంద్ర, అల వైకుంఠపురములో సినిమాలో సుశాంత్‌లను ముఖ్య పాత్రల్లో నటింపజేశాడు.
ఇప్పుడు తారక్ 30వ చిత్రంలోనూ ఇదే స్ట్రాటజీని కంటిన్యూ చేయాలని త్రివిక్రమ్ చూస్తున్నాడు.దీని కోసం ఓ యంగ్ హీరోను తీసుకోనున్నాడట.
కాగా ఈ సినిమాకు ‘అయినను పోయి రావలె హస్తినకు’ అనే టైటిల్‌ను పెట్టాలని త్రివిక్రమ్ అనుకుంటున్నాడట.
