శుభ ముహూర్తాన నితిన్ కృతి శెట్టి కొత్త సినిమా స్టార్ట్ !

యూత్ స్టార్ నితిన్ వినాయక చవితి సందర్భంగా ఈ రోజు తన కొత్త సినిమాను పూజా కార్యక్రమాలతో లాంఛనంగా స్టార్ట్ చేసాడు.

ఈ సినిమాను నితిన్31 అనే వర్కింగ్ టైటిల్ తో తెరకెక్కించ బోతున్నారు.

ఈ సినిమాను ఎం ఎస్ రాజశేఖర్ రెడ్డి డైరెక్ట్ చేయబోతున్నాడు.యాక్షన్ ఎంటర్టైనర్ గా తెరకెక్కుతున్న ఈ సినిమాలో నితిన్ కు జోడీగా ఉప్పెన బ్యూటీ కృతి శెట్టి హీరోయిన్ గా నటిస్తుంది.

ఈ సందర్భంగా ఈ సినిమా పూజా కార్యక్రమాలను ఘనంగా నిర్వహించారు.ఈ సినిమా ప్రారంభోత్సవానికి వెంకీ కుడుముల, అల్లు అరవింద్, అనిల్ రావిపూడి, బివిఎస్ఎన్ ప్రసాద్, మేర్లపాక గాంధీ అతిధులుగా వచ్చారు.

ఇక ఈ సినిమాలో మొదటి షాట్ కు అనిల్ రావిపూడి దర్శకత్వం వహించగా అల్లు అరవింద్ నితిన్ కృతి శెట్టి పై క్లాప్ కొట్టారు.ఇక ఈ రోజే ప్రారంభం అయినా ఈ సినిమా నుండి అప్పుడే అప్డేట్ రాబోతుంది.

ఈ రోజు సాయంత్రం 5 గంటల 30 నిముషాలకు ఈ సినిమా టైటిల్ తో పాటు మోషన్ పోస్టర్ ను కూడా చిత్ర యూనిట్ ప్రకటించ బోతుంది.ఇక ఈ సినిమాను శ్రేష్ఠ మూవీస్ బ్యానర్ లో సుధాకర్ రెడ్డి, నిఖిత రెడ్డి సంయుక్తంగా నిర్మిస్తున్నారు.ఇక ఈ సినిమా రెగ్యులర్ షూటింగ్ అక్టోబర్ నుండి స్టార్ట్ కాబోతుంది.

ప్రస్తుతం నితిన్ నటించిన మాస్ట్రో సినిమా షూటింగ్ పూర్తి చేసుకుని విడుదలకు సిద్ధంగా ఉంది.