వర్మ చెప్పింది నిజమే.. ఆ ప్రకారం ఈ ఏడాది బిగ్గెస్ట్ హిట్ కార్తికేయ2 సినిమానే?

కొన్ని సినిమాలపై విడుదలకు ముందు పెద్దగా అంచనాలు లేకపోయినా ఆ సినిమాలు విడుదలైన తర్వాత బాక్సాఫీస్ వద్ద సంచలనాలు సృష్టిస్తుంటాయి.అలా సంచలనాలు సృష్టించిన సినిమాలలో కార్తికేయ2 సినిమా ఒకటి కావడం గమనార్హం.

కార్తికేయ2 కార్తికేయ సినిమాకు సీక్వెల్ అని ప్రకటన వెలువడిన సమయంలో ఈ సినిమాపై పెద్దగా అంచనాలు ఏర్పడలేదు.అయితే ట్రైలర్ బాగుండటంతో ఈ సినిమాపై అంచనాలు అమాంతం పెరిగాయి.

సినిమా రిలీజైన తర్వాత క్రిటిక్స్ నుంచి పాజిటివ్ గా రివ్యూలు రావడంతో పాటు మౌత్ టాక్ కూడా బాగుండటంతో ఈ సినిమాపై అంచనాలు అమాంతం పెరిగాయి.బడ్జెట్, ప్రీ రిలీజ్ బిజినెస్ తో పోల్చి చూస్తే ఈ సినిమా రెట్టింపు స్థాయిలో కలెక్షన్లను సాధిస్తోంది.

నార్త్ ఇండియాలో కూడా ఈ సినిమాకు అంచనాలకు మించి కలెక్షన్లు వస్తుండటం గమనార్హం.హిందీలో డబ్ చేయడం ఈ సినిమాకు ఒక విధంగా కలిసొచ్చింది.

ప్రముఖ దర్శకుడు రామ్ గోపాల్ వర్మ ఈ ఏడాది విడుదలైన ఆర్ఆర్ఆర్, కేజీఎఫ్2 సినిమాల కంటే కార్తికేయ2 బిగ్గెస్ట్ హిట్ అని వెల్లడించారు.మౌత్ టాక్ తో కార్తికేయ2 భారీ కలెక్షన్లను సాధిస్తుండటంతో వర్మ చెప్పిన లెక్కలు నిజమేనని నెటిజన్ల నుంచి కామెంట్లు వ్యక్తమవుతున్నాయి.