తెలుగు చిత్ర పరిశ్రమలో సింగర్ గా,సంగీత దర్శకుడిగా ఎంతో మంచి గుర్తింపు సంపాదించుకున్నటువంటి వారిలో రఘుకుంచే ఒకరు.ఈయన ఇప్పటికే ఎన్నో అద్భుతమైన పాటలను ఆలపించడమే కాకుండా ఎన్నో సినిమాలకు అద్భుతమైన సంగీతాన్ని అందించి ఇండస్ట్రీలో తనకంటూ ఎంత పేరు ప్రఖ్యాతలు సంపాదించుకున్నారు.
ఇలా హీరోగా ఇండస్ట్రీలో కొనసాగుతూ ఎంతో మంచి ఆదరణ సంపాదించుకున్న రఘుకుంచే ఇంట తీవ్ర విషాదం నెలకొంది.రఘు కుంచే తండ్రి కుంచె లక్ష్మీనారాయణ మంగళవారం మృతి చెందారు.
ఈయన వయో వృద్ధాప్య సమస్యలతో గత కొంతకాలంగా బాధపడుతూ ఉన్నారు.ఇలా ఈ సమస్యలతో బాధపడుతున్నటువంటి లక్ష్మీనారాయణకు ఇంటి వద్దనే చికిత్స అందించుతున్నప్పటికీ ఈయన మంగళవారం తుది శ్వాస విడిచారు.
దీంతో రఘు ఇంట విషాదఛాయలు అలుముకున్నాయి.ఇక ఈయన హోమియో వైద్యుడిగా పని చేశారు.ఇక తన తండ్రి లక్ష్మీనారాయణ తనకు చిన్నప్పటి నుంచి సంగీతం అంటే ఆసక్తి అనే విషయాన్ని గ్రహించి తనని సంగీతం వైపు ప్రోత్సహించారని కేవలం తన తండ్రి చూపిన చొరవతోనే తాను ఇండస్ట్రీలో ఈ స్థాయిలో ఉన్నానని
ఇదివరకు ఎన్నోసార్లు తన తండ్రి గురించి రఘు కుంచె తెలియజేశారు.ఇలా తన తండ్రి తనని వెనకుండి ముందుకు నడిపించారని అలాంటి తండ్రి మరణం ఆయనకు తీరని లోటు అని తెలుస్తోంది.ఇక రఘు కుంచె తండ్రి మరణించారనే వార్త తెలియగానే పలువురు సినీ సెలబ్రిటీలు రఘు కుటుంబ సభ్యులకు సంతాపం తెలియజేస్తున్నారు.
