బాలకృష్ణ( Balakrishna ) అలాగే నందమూరి అభిమానులు మోక్షజ్ఞ( Mokshagna ) ఎంట్రీ కోసం ఎప్పటి నుంచో ఎదురుచూస్తున్న విషయం తెలిసిందే.మోక్షజ్ఞ ఎంట్రీ కోసం అభిమానులు కల్లు కాయలు కాచే విధంగా ఎదురుచూస్తున్నారు అనడంలో ఎటువంటి సందేహం లేదు.
అయితే ఇటీవల కాలంలో ఈ విషయంలో ఒకదాని తర్వాత ఒకటి శుభవార్తలు తెలుస్తుండడంతో అభిమానులు కాస్త ఊపిరి పీల్చుకున్నారు.మోక్షజ్ఞ తెరంగేట్రం దర్శకుడు ప్రశాంత్ వర్మ( Director Prashant Varma ) ద్వారా జరుగుతున్న సంగతి తెలిసిందే.
అలాగే ఆ మధ్య ఫస్ట్ లుక్ పోస్టర్ తో శుభవార్తను పంచుకున్నారు.టైటిల్ పెట్టడం, రెగ్యులర్ షూటింగ్ కు వెళ్లడం ఇంకా జరగలేదు కానీ క్యాస్టింగ్ కు సంబంధించిన పనులు జరిగిపోతున్నాయట.
ఇకపోతే మోక్షజ్ఞ పక్కన హీరోయిన్ గా రషా తదాని( Rasha Thadani ) పేరుని పరిశీలిస్తున్నట్టు ఇన్ సైడ్ టాక్.అయితే గతంలో ఈమెను రామ్ చరణ్ 16 కోసం ట్రై చేసి ఫోటో షూట్ చేసినట్టు వార్త వచ్చింది కానీ తర్వాత ఏమైందో బయటికి రాలేదు.ఫైనల్ గా జాన్వీ కపూర్ ని లాక్ చేసుకుని అఫీషియల్ అనౌన్స్ మెంట్ ఇచ్చారు.రషా తదాని వెనుక కొన్ని ఆసక్తికరమైన సంగతులు ఉన్నాయి.ఈమె మరెవరో కాదు బాలీవుడ్ సీనియర్ నటి రవీనా టాండన్ కూతురు. 1993 బంగారు బుల్లోడు సినిమాలో బాలకృష్ణ సరసన రమ్యకృష్ణతో పాటు మెయిన్ హీరోయిన్ గా నటించింది.
అది పెద్ద హిట్ అయినా తెలుగులో కొనసాగకుండా బాలీవుడ్ అవకాశాల వైపే మొగ్గు చూపింది.
కొంత గ్యాప్ తీసుకుని నాగార్జున నటించిన ఆకాశవీధిలో అనే సినిమాలో నటించినా అది డిజాస్టర్ కావడంతో మళ్ళీ కనిపించలేదు.మంచు ఫ్యామిలీ తీసిన పాండవులు పాండవులు తుమ్మెద సినిమా ఆమె కనిపించిన చివరి తెలుగు సినిమా.కన్నడ కెజిఎఫ్ లో ప్రధాన మంత్రిగా మెప్పించింది కూడా ఈమెనే అన్న విషయం తెలిసిందే.
ఇంత కనెక్షన్ ఉన్న రవీనాటాండన్( Raveena Tandon ) తన కూతురిని సౌత్ లో లాంచ్ చేయడానికి మోక్షజ్ఞ కన్నా గ్రాండ్ ఆప్షన్ వేరే ఉండదు.ఇంకా ఖరారుగా చెప్పలేదు కాబట్టి అధికారిక ప్రకటన వచ్చేదాకా వేచి చూడాల్సిందే మరి.ఇకపోతే నవంబర్ లేదా ఏడాది చివర్లో షూటింగ్ మొదలుపెట్టే ప్లాన్ లో ఉన్న ప్రశాంత్ వర్మ ప్రీ ప్రొడక్షన్ లో బిజీగా ఉన్నాడు.ఈ సినిమా వచ్చే ఏడాది కాకుండా 2026 లో విడుదల అయ్యే అవకాశాలు ఉన్నట్టు తెలుస్తోంది.
తెలుగు వార్త విశేషాలు సులభముగా తెలుసుకోండి!!!!
సినిమా కబుర్లు
టాప్ స్టోరీస్
క్రైమ్ న్యూస్
అవీ...ఇవి
ప్రత్యేకం
