కూరగాయ పంటలను చీడపీడల నుంచి సంరక్షించే పద్ధతులు..!

ఒకే రకం కూరగాయలను పదేపదే వేయడం, ఉష్ణోగ్రత అధికంగా ఉండడం, నేలలో అధిక తేమ ఉండడం వల్ల నులిపురుగులు విపరీతంగా వచ్చి పంటను నాశనం చేస్తాయి.మామూలు పొలాల్లో కంటే రక్షిత గృహాల్లో నులిపురుగుల బెడద ఎక్కువగా ఉంటుంది.కూరగాయ పంటలను చీడపీడల, నులిపురుగుల నుండి సంరక్షించుకోవాలంటే వేసవిలో పొలాన్ని బాగా దుక్కి దున్నలి, ఒకే పంట వేయకుండా పంట మార్పిడి చేయడం, అధిక మోతాదులో సేంద్రీయ ఎరువుల వాడకం, పొలాల్లో కలుపు మొక్కలు లేకుండా జాగ్రత్తలు తీసుకోవడం, నులి పురుగులు ఎక్కువగా ఆశించే పొలాల్లో వేప పిండి, వేప చెక్క వినియోగించడం లాంటివి చేయాలి.

తర్వాత పంట పొలాల్లో 1000 కేజీల పశువుల పేడను బాగా చిలికి అందులో రెండు కేజీల సూడోమోనాస్ G2 , 2 కిలోల పెసిలోమైసిన్ కలిపి 25 శాతం తేమ ఉండేలా 15 రోజులు గోన సంచులు కప్పి ఉంచి వారానికి ఒకసారి బాగా కలిపి ప్రధాన పొలాల్లో చల్లాలి.భూమిలో వేడి అధికంగా ఉండాలంటే మట్టిని ప్లాస్టిక్ మల్చింగ్ తో కప్పి ఉంచాలి.

అప్పుడు చీడపీడల బెడద ఉండదు.