రాజన్న సిరిసిల్ల జిల్లా( Rajanna Sirisilla ) రుద్రంగి మండలంలో గత రెండు రోజులుగా కురుస్తున్న భారీ వర్షాలకు( Heavy rains ) మానాలలోని కోమటికుంట చెరువు కట్టకు గండిపడడంతో పెద్ద ఎత్తున నీరువృథాగా పోతోంది.సోమవారం రోజున ఎంపీడీవో శంకర్,వైస్ఎంపీపీ పిసరి భూమయ్యతో కలిసి చెరువుకట్టను పరిశీలించారు.
ఈ సందర్భంగా వారు మాట్లాడుతూ సమస్యను ఉన్నతాధికారుల దృష్టికి తీసుకెళ్లి తాత్కాలిక మరమ్మతులు చేపడతామన్నారు.గ్రామస్తులందరూ అప్రమత్తంగా ఉండాలని సూచించారు.ఎవరినైనా ఇండ్లు కూలిపోయే పరిస్థితి ఉంటే వెంటనే అధికారులకు తెలియజేయాలన్నారు.వీరి వెంట పీఆర్ ఏఈ మనోహర్( Manohar ),పంచాయతీ కార్యదర్శి బాబు తదితరులు ఉన్నారు.
