మానవుడు తన మేధస్సును ఉపయోగించి ఎంతటి అసాధ్యాలనైనా సుసాధ్యం చేసి చూపిస్తాడు.గాలిలో, నీటిలోపల, నీటిపై ఇలా ఎక్కడైనా ప్రయాణించగల వాహనాలను మానవుడు తయారు చేయగలిగాడు.
అయితే మానవుడు తయారుచేసే ఆవిష్కరణలు ఒక్కోసారి మనల్ని అబ్బురపరుస్తాయి.అలాంటి ఆవిష్కరణలలో జెట్ ప్యాక్ సూట్ ఒకటని చెప్పవచ్చు.
దీనిని ధరిస్తే నేలపై నుంచి గాల్లోకి ఈజీగా ఎగరవచ్చు.విమానాలు, హెలికాప్టర్లు లేకుండా కేవలం ఒక బ్యాగ్ లాంటి జెట్ ప్యాక్ సూట్ ధరించి గాల్లో ఎగరడం అద్భుతమైన అనుభూతిని అందిస్తుంది.
అయితే తాజాగా ఒక వ్యక్తి ఇలాంటి అనుభూతిని పొందుతూ ఎంజాయ్ చేశాడు.దీనికి సంబంధించిన వీడియో ఇప్పుడు సోషల్ మీడియాలో వైరల్ గా మారింది.
దీన్ని చూసిన నెటిజన్లు ఫిదా అవుతున్నారు.
వైరల్ అవుతున్న వీడియోలో ఒక వ్యక్తి గాల్లో తేలుతూ ప్రకృతి ని ఎంజాయ్ చేస్తూ ముందుకు వెళ్లడం చూడొచ్చు.
ఇతడు తన వీపు కి ఒక యాంటీ గ్రావిటీ జెట్ ప్యాక్ ధరించాడు.అనంతరం ఐరన్ మ్యాన్ సినిమాలో హీరోలాగా గాల్లో తేలుతూ ఇతను అడవిని చుట్టేశాడు.దీనిని చూసిన నెటిజన్లు ఆశ్చర్యపోతున్నారు.గేమ్స్ లేదా సినిమాల్లో లాగా అతను హాయిగా గాల్లో తేలుతూ ఉంటే ఏదో మంత్రజాలం చూస్తున్నట్లుగానే అనిపించిందని కామెంట్లు పెడుతున్నారు.ఇలాంటి జెట్ ప్యాక్ తమకు కూడా కావాలని కొందరు తమ కోరికను బయటపెట్టారు.అయితే ఈ జెట్ సూట్ ధర కనీసం రూ.3 కోట్లకు పైగా ఉంటుంది.హైడ్రోజన్ పెరాక్సైడ్-ఆధారిత ఇంజిన్‌తో ఇవి పని చేస్తాయి.
ఎర్త్ పిక్స్ అనే ప్రముఖ ఇన్‌స్టాగ్రామ్ పేజీ దీనిని షేర్ చేసింది.దీనికి ఇప్పటికే లక్షల వ్యూస్, వేలల్లో లైకులు వచ్చాయి.
ఈ అబ్బురపరిచే వీడియో పై మీరు కూడా ఒక లుక్కేయండి.
