ఇంగ్లాండ్‌లో పాపులర్ ఫుట్‌బాల్ లీగ్ అయిన ఇంగ్లీష్ ప్రీమియర్ లీగ్( EPL ) కు ప్రపంచవ్యాప్తంగా విపరీతమైన అభిమానులు ఉన్నారు.వాళ్లకి ఫుట్‌బాల్( Football ) అంటే ప్రాణం! స్టేడియాలు కిక్కిరిసిపోయి పాటలతో, కేరింతలతో హోరెత్తిపోతుంటాయి.
మ్యాచ్‌లు లేనప్పుడు కూడా అభిమానులు ప్రత్యర్థి జట్ల మధ్య పోటీ గురించి, ఆటగాళ్ల బదిలీల గురించి చర్చించుకుంటూ, గత మ్యాచ్‌ల్లోని ప్రతి అంశాన్ని విశ్లేషిస్తూ ఉంటారు.ఇలాంటి వీరాభిమానుల్లో ఒకరు ఓచిర్వాణి “ఓచిరూ” బాట్‌బోల్డ్.
( Ochiru Batbold ) ఈయన మాంచెస్టర్ యునైటెడ్ జట్టుకు వీరాభిమాని.
ఓచిరూ 2023, మేలో మంగోలియా( Mongolia ) నుంచి ఇంగ్లాండ్‌లోని మాంచెస్టర్( Manchester ) వరకు సుమారు 14,000 కిలోమీటర్లు సైకిల్‌పై ప్రయాణం చేశాడు.ఎందుకో తెలుసా? మాంచెస్టర్ యునైటెడ్( Manchester United ) సొంత స్టేడియం అయిన ఓల్డ్ ట్రాఫోర్డ్‌లో( Old Trafford ) ఒక మ్యాచ్ చూడాలని! తన కథను ఎక్స్‌లో పంచుకుంటూ, “నేను మంగోలియా నుంచి మాంచెస్టర్ వరకు సైకిల్‌పై నా మొదటి ఓల్డ్ ట్రాఫోర్డ్ మ్యాచ్ చూడటానికి వచ్చాను.మాంచెస్టర్ యునైటెడ్‌ను నేను ఎంతగా ప్రేమిస్తున్నానో దీన్ని బట్టి మీరు అర్థం చేసుకోవచ్చు.
ఈరోజు, నేను మా అమ్మకు ఇచ్చిన చిన్ననాటి వాగ్దానాన్ని నెరవేర్చాను.జీవితం ఎంత కష్టమైనా, ఈ జట్టుపై నా ప్రేమ ఎప్పటికీ తగ్గదు,” అని రాశాడు.
2010 నుంచి మాంచెస్టర్ యునైటెడ్ జట్టుకు వీరాభిమానిగా మారాడు బాట్‌బోల్డ్.లివర్‌పూల్‌తో జరిగిన ఒక మ్యాచ్‌లో డిమిటర్ బెర్బటోవ్ అద్భుతమైన హ్యాట్రిక్ చేయడంతో ఆ జట్టుకు అభిమాని అయ్యాడు.ఆ తర్వాత క్లబ్‌కు రాసిన ఒక లేఖలో, తనకిష్టమైన ఆటగాడు వేన్ రూనీ అని, ఒకప్పుడు తానూ మాంచెస్టర్ యునైటెడ్ జట్టు తరపున ఆడాలని కలలు కన్నట్లు తెలిపాడు.కానీ, దురదృష్టవశాత్తు ఒక నకిలీ ఫుట్‌బాల్ ఏజెంట్ చేతిలో మోసపోయి చాలా డబ్బు నష్టపోవడంతో అతని ఆ కల నెరవేరకుండా పోయింది.
బాట్‌బోల్డ్ లాంటి అభిమానుల మద్దతు లేకపోతే, EPL అంతటి పేరు ప్రఖ్యాతలు, ఆదాయం సంపాదించేది కాదంటారు.అతనిలాంటి వాళ్లే ఈ లీగ్‌ను ఉన్నత స్థానంలో నిలబెట్టారు.
ఈ అభిమానుల అండ వల్లే జెర్సీలు, ఇతర వస్తువుల అమ్మకాలు జోరుగా సాగుతాయి, పెద్ద పెద్ద స్పాన్సర్‌షిప్ ఒప్పందాలు కుదురుతాయి, తద్వారా లీగ్‌కు భారీగా ఆదాయం వస్తుంది.
