Maa Oori Polimera 2 Review : మా ఊరి పొలిమేర 2 రివ్యూ అండ్ రేటింగ్!

2021 వ సంవత్సరంలో హాట్ స్టార్ లో నేరుగా విడుదల అయ్యి ఎంతో మంచి సక్సెస్ అందుకున్నటువంటి సినిమాలలో మా ఊరి పొలిమేర(Maa uuri Polimera) ఒకటి.సత్యం రాజేశ్( Satyam Rajesh ) , బాలాదిత్య ( Baaladitya ) కీలక పాత్రల్లో నటించిన ఈ సినిమా ఓటీటీలో ఎంతో అద్భుతమైన ఆదరణ అందుకుంది అయితే ఈ సినిమా విడుదలైన రెండు సంవత్సరాల తర్వాత ఈ సినిమాకు సీక్వెల్ చిత్రం నేరుగా థియేటర్లలో ప్రేక్షకుల ముందుకు వచ్చింది.

ఈ సినిమా మొదటి భాగానికి కంటిన్యూ కావడంతో మొదటి పాటలు ఎవరైతే నటించారో వారే తిరిగి సీక్వెల్ సినిమాలో కూడా నటించారు .మరి నేడు విడుదలైనటువంటి ఈ సినిమా ప్రేక్షకులను ఎలా మెప్పించింది అసలు ఈ సినిమా కథ ఏంటి అనే విషయానికి వస్తే…

కథ:

కొమురయ్య(సత్యం రాజేష్) తన తొలి ప్రేయసి కవితతో కలిసి కేరళ( Kerala )కు పారిపోతాడు.అప్పటికే అడ్రాసుపల్లిలో వరుస హత్యలు జరుగుతాయి.ఇంతలో కొమురయ్య తమ్ముడు జంగయ్య కనిపించకుండా పోతాడు.అయితే.ఇదంతా మూఢనమ్మకాల నేపథ్యంలో కథ మొత్తం ఒక్కసారిగా నిధి వైపు మల్లుతుంది.

కొమురయ్య ఆ నిధి కోసమే ఇలాంటి నాటకాలు ఆడుతున్నారని తెలుస్తుంది.మరి ఈ సినిమాలో వెతుకుతున్నటువంటి ఆ నిధి ఎక్కడ ఉంది? అక్కడున్న చీకటి రాజ్యం ఏంటి? ఆర్కియాలజీ డిపార్ట్ మెంట్ కు ఆ నిధి ఎక్కడుందో తెలుస్తుందా? అసలు ఈ వరుస హత్యల వెనుక గల కారణం ఏంటి అనేది ఈ సినిమా కథ.

నటీనటుల నటన:

ఈ సినిమాలో రాజేష్ బాలాదిత్య( Baladitya ) ఎంతో అద్భుతంగా నటించారు.వీరి పాత్రలకు ప్రాణం పోశారు. సత్యం రాజేష్ కమెడియన్ ( Satyam Rajesh )గా మాత్రమే కాకుండా ఈ సినిమా ద్వారా అన్ని పాత్రలలో కూడా ఇట్టే ఒదిగిపోగలడని నిరూపించారు.ఇలా ఈ సినిమాలో ప్రతి ఒక్కరు కూడా వారి పాత్రలకు పూర్తి న్యాయం చేశారు.

టెక్నికల్:

టెక్నికల్ పరంగా డైరెక్టర్ ఈ సినిమాని ఎంతో అద్భుతంగా తెరపైకి తీసుకువచ్చారు. సినిమా కథ మొత్తం భారీ ట్విస్టులతో భయంకరమైనటువంటి సన్నివేశాలతో ఎంతో అద్భుతంగా చూపించారు.

ఇక ఫోటోగ్రఫీ కూడా అద్భుతంగా ఉంది.అలాగే బ్యాక్ గ్రౌండ్ మ్యూజిక్ కూడా అందరిని భయపెట్టేలాగే ఉందని చెప్పాలి.

విశ్లేషణ:

సినిమా ఫస్ట్ హాఫ్ చూస్తే మా ఊరి పొలిమేర పార్ట్ వన్ కు రీక్యాప్ లా ఉంటుంది.అంటే.మొదటి పార్ట్ చూడని వాళ్లు కూడా ఈ సినిమాను ఎంజాయ్ చేయొచ్చు.ఎక్కడా కథ అర్థం కానట్టుగా ఏం ఉండదు.ఇక ఈ సినిమాలో కొన్ని కొత్త క్యారెక్టర్లు కూడా ఎంటర్ అవుతాయి.సినిమాలో ఉన్న ట్విస్టులు చూసి షాక్ అవ్వాల్సిందే.

ఈ సినిమా చూస్తున్నంత సేపు ప్రతి ఒక్క ప్రేక్షకుడిలో ఎంతో ఆసక్తి నెలకొని ఉంటుంది ఇక ఈ సినిమా క్లైమాక్స్ లో పార్ట్ 3 కూడా ఉంటుందని హింట్ ఇచ్చేశారు .

ప్లస్ పాయింట్స్:

సెకండ్ హాఫ్ ఎంతో అద్భుతంగా ఉంది, సినిమాలోని షాకింగ్ ట్విస్టులు ప్లస్ పాయింట్ అయ్యాయి.బిజిఎం అదిరిపోయింది.

మైనస్ పాయింట్స్:

అక్కడక్కడ కొన్ని సన్నివేశాలు సాగదీయబడ్డాయి.

బాటమ్ లైన్:

ఇలాంటి ట్రిస్టులతో కూడిన సస్పెన్స్ సినిమాలు ఇదివరకే ప్రేక్షకుల ముందుకు వచ్చాయి అయితే ఈ సినిమా అలాంటి కోవకు చెందిన ఎక్కడా కూడా బోర్ కొట్టదు చాలా కొత్తగా ఉంది.

రేటింగ్: 2.75/5

.