బీఎండబ్ల్యూ( BMW ), TYDE ఒక కాన్సెప్ట్ ఎలక్ట్రిక్ వాటర్‌క్రాఫ్ట్‌ను రూపొందించడానికి తాజాగా చేతులు కలిపాయి.ఈ ఎలక్ట్రిక్ బోట్‌ను కేన్స్ ఫిల్మ్ ఫెస్టివల్‌లో అన్‌వీల్ చేస్తారు.
ఇలాంటి లగ్జరీ బోట్ ఆలోచన చేయడం ఇదే మొదటిసారి.ఈ ఎలక్ట్రిక్ బోట్‌లో ‘బీఎండబ్ల్యూ ఐ’ బ్యాటరీలు వాడారు.దీని పొడవు 13.15 మీటర్లు.ఇది గరిష్ఠంగా 30 నాట్స్ (56 కి.మీ/గం) వేగంతో దూసుకెళ్లగలదు.బీఎండబ్ల్యూ అనుబంధ సంస్థ డిజైన్‌వర్క్స్ రూపొందించిన ఈ బోట్ లాంజ్ ఏరియా( Boat lounge area ), 360° తిరిగే సీట్లు వంటి ప్రత్యేక ఫీచర్లతో వస్తుంది.
ఇది రెండు 100 kW ఎలక్ట్రిక్ మోటార్లు( 100 kW electric motors ), ఆరు BMW i3 బ్యాటరీలతో సింగిల్ ఛార్జ్‌పై 50 నాటికల్ మైళ్ల (100 కిమీ) రేంజ్ ఆఫర్ చేస్తుంది.ఈ ఎలక్ట్రిక్ డ్రైవ్ సిస్టమ్ నీటిపై సాఫ్ట్ అండ్ సైలెంట్‌గా ప్రయాణిస్తుంది.బోట్‌లో హన్స్ జిమ్మెర్ బెస్పోక్ సౌండ్‌ట్రాక్‌తో కూడిన డాల్బీ అట్మోస్ సౌండ్ సిస్టమ్, అలాగే కీలక సమాచారం, వాయిస్ కమాండ్ ఫంక్షనాలిటీ కోసం 32-అంగుళాల టచ్‌స్క్రీన్ డిస్‌ప్లే ఉంది.
ప్రస్తుతం ఇది కాన్సెప్ట్ అయినప్పటికీ ప్రొడక్షన్‌కి చేరుకుంటే, దీనిని చాలామంది కొనుగోలు చేసే అవకాశం ఉంటుంది.అలానే ఇది BMW ఐకాన్ ప్రైవేట్ కస్టమర్లు, వాణిజ్య రంగానికి లగ్జరీ, అధునాతనతను అందిస్తుంది.
ఈ వినూత్న ఎలక్ట్రిక్ వాటర్‌క్రాఫ్ట్ లగ్జరీ, స్థిరమైన సముద్ర రవాణాకు అనుకూలంగా ఉంటుంది.
మొదటగా ఎలక్ట్రిక్ కార్లు, తర్వాత స్కూటర్లు, ఆపై బస్సులు, ట్రక్కులు ఇలా గత కొంతకాలంగా అన్ని ఎలక్ట్రిక్ వాహనాలుగా మారిపోతున్నాయి.ఇప్పుడు ఎలక్ట్రిక్ బోట్స్ కూడా అందుబాటులోకి వచ్చేందుకు సిద్ధమవుతున్నాయి.దీనివల్ల శిలాజ ఇంధనాల కొరత ఏర్పడుతుందనే భయం ఉండదు.
