పిట్టకొంచెం కూత ఘనం అనే నానుడి గురించి వినే వుంటారు.తన ఇద్దరు చిట్టి చెల్లెళ్ల కోసం ఓ నాలుగేళ్ల చిన్నారి చేసిన పని చూశారంటే మీరు విస్తుపోతారు.
ఇంత చిన్నవయస్సులోనే చెల్లెళ్ల కాపాడటానికి ఆమె పడిన ఆరాటం చూస్తే ముచ్చటేస్తుంది.ఆ పాపకు నాలుగేళ్లు ఉంటాయేమో.
తన ఇద్దరు చిట్టి చెల్లెళ్లతో రోడ్డుమీద ఆడుకుంటోంది.అదే సమయంలో అక్కడికి ఓ వాహనం రాగా అప్రమత్తమైన ఆ చిన్నారి ఆ వాహనాన్ని రెండు చేతులు అడ్డుపెట్టి ఆమడదూరం ఉండగానే అదుపుచేసింది.
ఆ వెంటనే తన చెల్లెళ్లను ఒక్కొక్కరిగా తన ఇంట్లోకి తీసుకుపోవడం ఈ వీడియోలో గమనించవచ్చు.ఇక ఆ వాహన దారుడు వాళ్ళు వెళ్లిపోవడాన్ని గమనించి తన వాహనాన్ని ముందుకు పోనించాడు.
కాగా ఆమె చేసిన పనికి నెటిజన్లు ఫిదా అయిపోతున్నారు.చిన్నారి సమయస్ఫూర్తికి, తోబుట్టువులను కాపాడుకోవాలనే తపనకు నెటిజన్లు ఆమెని పొగడ్తలతో ముంచెత్తుతున్నారు.
యోగ్ అనే యూజర్ ట్విట్టర్లో ఈ వీడియోను షేర్ చేయగా సోషల్ మీడియాలో వైరల్ అవుతోంది.
సదరు యూజర్ ఆ వీడియోని పోస్టు చేస్తూ సోదరి పాత్రను ఈ పాప సీరియస్గా పోషించిందని వీడియోకు క్యాప్షన్ కూడా ఇవ్వడం కొసమెరుపు.కాగా ఈ వీడియోను 2 లక్షల మందికి పైనే చూశారు.ఇక కామెంట్లకైతే లెక్కేలేదు.
ఈ క్రమంలో ఓ యూజర్ ఈ చిన్నారికి నేను బిగ్ హగ్ ఇవ్వాలనుకుంటున్నానని అనగా మరో యూజర్ అద్భుతం.పాపకు నాలుగైదేండ్లు ఉంటాయేమో! నిన్ను చూసి చాలా నేర్చుకోవాలి అని కామెంట్ పెట్టాడు.
ఇంకెందుకాలస్యం మీరు కూడా ఆ వీడియోని చూసి తోచింది రాయండి.