జ్యూస్ ప్యాకెట్‌లో జెర్రి.. హడలిపోయిన కస్టమర్

రాజస్థాన్‌లో( Rajasthan ) గరిష్ట స్థాయిలో ఉష్ణోగ్రతలు భారీ స్థాయిలో నమోదవుతున్నాయి.ముఖ్యంగా ఎడారి ప్రాంతం ఎక్కువగా ఉండడం, మరో వైపు పచ్చదనం తక్కువగా ఉండడంతో ఎండలు ఎక్కువగా ఉన్నాయి.బయటకు వచ్చిన వారికి ఎండదెబ్బ తగులుతోంది.

దీంతో వేసవిలో బయట దొరికిన చల్లని పానీయాలు తాగి గొంతు తడుపుకుంటున్నారు.ఇదే తరహాలో ఆ రాష్ట్రంలోని దుంగార్‌పూర్( Dungarpur ) ప్రాంతం పూజ్‌పూర్‌లో తాజాగా ఓ యువకుడు మాజా జ్యూస్ టెట్రా ప్యాకెట్ కొన్నాడు.

అందులో ఏదో కదులుతుందని అర్ధం అయింది.వెంటనే దానిని దుకాణాదారుడికి ఇచ్చాడు.

అతడితోనే దానిని ఓపెన్ చేయించాడు.ఆ జ్యూస్‌ను ఓ గిన్నెలో వారు పోశారు.

అప్పుడు అందులో జెర్రి కనిపించింది.దీంతో ఆ యువకుడు హడలిపోయాడు.

పొరపాటున దానిని తాగి ఉంటే తన పరిస్థితి ఏంటో ఊహించుకుని భయపడిపోయాడు.మరో వైపు ఆ దుకాణాదారుడు కూడా అందులోకి జెర్రి ఎలా వచ్చిందో తెలియక తికమక పడ్డాడు.

దీనికి సంబంధించిన ఫొటోలు సోషల్ మీడియాలో వైరల్ అవుతున్నాయి.