సంచలనం దిశగా జనసేన .. సరికొత్త రికార్డ్ ?

Sai Mallula

Political Reporter

2024-06-04   13:58:43  IST

ఏపీ ఎన్నికల ఫలితాలలో కూటమి పార్టీలైన టిడిపి, జనసేన ,బిజెపి ల హవా కనిపిస్తోంది.

Ad

భారీ మెజారిటీతో కూటమి అధికారం చేపట్టే దిశగా ఎన్నికల ఫలితాలు వెలువడుతున్నాయి.

ఊహించని స్థాయిలో వైసిపి ఘోర పరాజయం చవి చూడాల్సిన పరిస్థితి ఏర్పడింది.అనేక జిల్లాల్లో కూటమి పార్టీలు క్లీన్ స్వీప్ చేసే దిగా ఫలితాలు వెలువడుతున్నాయి.

కూటమి పార్టీలైన టిడిపి, జనసేన ,బిజెపిల అంచనాలకు మించి విజయం దిశగా దూసుకు వెళ్తున్నాయి.ఈ ఎన్నికల్లో సర్వే సంస్థల అంచనాలు కూడా తలకిందులు అయ్యాయనే చెప్పవచ్చు .ఈ ఎన్నికల్లో వైసిపి పరాజయం స్పష్టంగా కనిపిస్తోంది.అయితే ఈ తరహా ఎన్నికల ఫలితాలు రావడం వెనుక జనసేన అధినేత పవన్ కళ్యాణ్ ప్రభావం కూడా స్పష్టంగా కనిపిస్తోంది.

2019 ఎన్నికల్లో వైసీపీ( YCP)కి జనాలు ఇచ్చిన తీర్పు తరహాలోనే ఇప్పుడు టిడిపి కూటమికి అనుకూలంగా తీర్పు ఇచ్చారు.ఈ ఎన్నికల్లో కూటమి గెలుపులో జనసేన ప్రభావం చాలా స్పష్టంగా కనిపిస్తోంది.జనసేన పోటీ చేసిన 21 ఎమ్మెల్యే, రెండు ఎంపీ స్థానాల్లో గెలుపు దిశగా దూసుకు వెళ్తోంది.అదే కనుక జరిగితే ఇది నిజంగా ఏపీ రాజకీయాల్లో కొత్త రికార్డే.2024 ఎన్నికల్లో వైసీపీని ఎట్టి పరిస్థితుల్లోనైనా ఓడిస్తానని పవన్ కళ్యాణ్( Pawan Kalyan ) శపదం చేశారు.ఆ విధంగానే ఇప్పుడు జగన్ ను ఓడించే విషయంలో పవన్ పార్టీ కీలక పాత్ర పోషించింది.

పిఠాపురం నుంచి పవన్ భారీ మెజారిటీతో గెలిచే విధంగా రౌండ్ల వారీగా ఫలితాలు వెలువడతున్నాయి.జనసేన పార్టీ పోటీ చేసిన 21 స్థానాల్లో గెలిస్తే పవన్ ప్రభావం మరింతగా పెరుగుతుందనడంలో సందేహం లేదు.