జన' సేన ' బలం పెరుగుతోందిగా..?

గతంతో పోల్చి చూస్తే ఇటీవల కాలంలో జనసేన పార్టీ గ్రాఫ్ బాగా పెరిగినట్టుగా కనిపిస్తోంది .

వైసీపీలోని అసంతృప్తి నాయకులతో పాటు, తటస్తులు జనసేన వైపే చూస్తున్నారు.

ఇటీవల కాలంలో ఆ పార్టీ గ్రాఫ్ బాగా పెరగడం, టిడిపితో పొత్తు పెట్టుకున్న నేపథ్యంలో కచ్చితంగా రెండు పార్టీల కూటమి అధికారంలోకి వస్తుందనే అంచనాలతో చాలామంది జనసేన వైపు ఆసక్తి చూపిస్తున్నారు.మొన్నటి వరకు చిన్నాచితక నేతలతో హడావుడి కనిపించినా, ప్రస్తుతం జనసేన వైపు చూస్తున్న వారిలో మాజీ మంత్రులు, ఎంపీలు, ఎమ్మెల్యేలు ఉండడం, అలాగే బలమైన సామాజిక వర్గానికి చెందిన కుల సంఘాల నేతలు జనసేన లో చేరేందుకు ఆసక్తి చూపిస్తూ పవన్ ను కలిసేందుకు ప్రయత్నాలు చేస్తున్నారు.

ఎన్నికలకు ముందు చోటు చేసుకుంటున్న ఈ పరిణామాలు జనసేన లో కొత్త ఉత్సాహాన్ని తీసుకువస్తున్నాయి.వైసీపీ అధినేత ఏపీ సీఎం జగన్( AP CM Jagan ) వచ్చే ఎన్నికల్లో పోటీ చేసే అభ్యర్థుల ఎంపిక చేపట్టడం, చాలామంది జగన్ సన్నిహితులతో పాటు కీలక నేతలకు టికెట్ ఇవ్వకపోవడం, తదితర పరిణామాలతో అసంతృప్తి గురైన వారంతా జనసేనలో చేరేందుకు ఆసక్తి చూపిస్తున్నారు.