ఫైమా బిగ్ బాస్ ఎంట్రీ పై స్పందించిన జబర్దస్త్ కమెడియన్స్.. ఏమన్నారంటే?

ఈటీవీలో ప్రసారమవుతున్న జబర్దస్త్ కామెడీ షో కి ఎంతటి ప్రేక్షకాదరణ ఉందో అందరికీ తెలిసిన విషయమే.

గత తొమ్మిది సంవత్సరాలుగా ప్రసారమవుతున్న ఈ కామెడీ షో ద్వారా ఎంతోమంది కమెడియన్లుగా ఇండస్ట్రీలో మంచి గుర్తింపు పొందారు.

గతంలో కేవలం మగవారికి మాత్రమే పరిమితమైన ఈ షోలో ఇప్పుడు మహిళలు కూడా సందడి చేస్తున్నారు.వర్ష , ఫైమా, రోహిణి వంటి వారు జబర్దస్త్ ద్వారా మంచి గుర్తింపు పొందారు.

ఇలా లేడీ కమెడియన్లుగా ఫేమస్ అయిన ఫైమా మొదట ఈటీవీ ప్లస్ లో ప్రసారమవుతున్న పటాస్ షోలో సందడి చేసింది.ఆమె పెర్ఫార్మెన్స్ ప్రేక్షకులను బాగా ఆకట్టుకోవటంతో జబర్దస్త్ లో అవకాశం కల్పించారు.

జబర్దస్త్ ద్వారా ఫైమ మరింత పాపులర్ అయింది.ఈ క్రమంలో ఇటీవల ఆమె బిగ్ బాస్ సీజన్ 6 లో అవకాశం దక్కించుకుందని వార్తలు వినిపిస్తున్నాయి.

ఇప్పటికే బిగ్ బాస్ సీజన్ 6 లో పాల్గొనే చాలామంది కంటెస్టెంట్ల పేర్లు వినిపిస్తున్నాయి.జబర్దస్త్ నుండి చలాకి చంటి బిగ్ బాస్ హౌస్ లోకి వెళ్ళనున్నట్లు కన్ఫామ్ అయ్యింది.

అలాగే ఇప్పుడు ఫైమా పేరు కూడా వినిపిస్తోంది.ఇటీవల ఈ విషయం గురించి కొంతమంది జబర్దస్త్ కమెడియన్లు స్పందించారు.