యూఎస్ ఎన్నికలు.. ఇండో అమెరికన్ల ఎఫెక్ట్ భారీగానే : భారత సంతతి నేత రాజా కృష్ణమూర్తి

మరో రెండ్రోజుల్లో అగ్రరాజ్యం అమెరికాలో అధ్యక్ష ఎన్నికలు జరగనున్నాయి.ఉన్న కాస్త సమయంలో ఓటర్లను ఆకట్టుకోవడానికి ప్రధాన పార్టీలు పోటీపడుతున్నాయి.

అమెరికాలో నిర్ణయాత్మక శక్తిగా ఉన్న భారతీయులు ఎటు వైపు మొగ్గు చూపుతారోనని విశ్లేషకులు సైతం ఉత్కంఠగా ఎదురుచూస్తున్నారు.ఈ నేపథ్యంలో భారత సంతతికి చెందిన యూఎస్ కాంగ్రెస్ సభ్యుడు రాజా కృష్ణమూర్తి ( Raja Krishnamurthy )కీలక వ్యాఖ్యలు చేశారు.

స్వింగ్ స్టేట్స్ సహా దేశవ్యాప్తంగా భారతీయులు ప్రభావం చూపుతారని ఆయన అన్నారు.భారతీయ అమెరికన్ కమ్యూనిటీ( Indian American Community ).భావజాలం కంటే ఆచరణాత్మక పరిష్కారాలపై దృష్టి సారించే నాయకులను ఇష్టపడుతుందని రాజా కృష్ణమూర్తి తెలిపారు.ఓ భారత జాతీయ వార్తాసంస్థతో ఆయన మాట్లాడుతూ.

మిచిగన్, నార్త్ కరోలినా, పెన్సిల్వేనియా వంటి కీలకమైన స్వింగ్ స్టేట్స్‌లో భారతీయులు గణనీయమైన సంఖ్యలో ఉన్నారని వెల్లడించారు.తద్వారా ఎన్నికల ఫలితాలను ప్రభావితం చేస్తారని రాజా కృష్ణమూర్తి చెప్పారు.