నల్లగొండ జిల్లా:జిల్లాలో శాంతిభద్రతలను దృష్టిలో వుంచుకొని నెల రోజుల పాటు జిల్లా వ్యాప్తంగా 30, 30(ఎ) పోలీసు యాక్ట్- 1861 అమల్లో ఉంటుందని జిల్లా ఎస్పీ చందనా దీప్తి ( SP Chandana Deepti )ఒక ప్రకటనలో తెలిపారు.జిల్లాలో పోలీసు ముందస్తు అనుమతి లేకుండా ప్రజలు,ప్రజా ప్రతినిధులు ధర్నాలు,రాస్తారోకోలు, నిరసనలు,ర్యాలీలు,పబ్లిక్ మీటింగ్ లు,సభలు, సమావేశాలు నిర్వహించరాదన్నారు.
శాంతిభద్రతలకు భంగం కలిగే విధంగా,ప్రజా ధనానికి నష్టం కల్గించే, చట్ట వ్యతిరేక కార్యకలాపాలు చేపట్టకూడదన్నారు.జిల్లా ప్రజలు,ప్రజా ప్రతినిధులు, వివిధ సంఘాల నాయకులు ఈ విషయంలో పోలీసులకు సహకరించవలసిందిగా సూచించారు.
అనుమతి లేకుండా పై చర్యలకు పాల్పడితే సంబంధిత వ్యక్తులపై చట్టరిత్య కఠిన చర్యలు తీసుకోవడం జరుగుతుందని హెచ్చరించారు.
