Director Teja Uday Kiran: నేను చనిపోయేలోపు ఉదయ్ కిరణ్ మరణ రహస్యం చెప్తాను.. డైరెక్టర్ తేజ షాకింగ్ కామెంట్స్?

తెలుగు సినీ ఇండస్ట్రీకి చెందిన దర్శకుడు తేజ గురించి అందరికీ తెలిసిందే.మొదట్లో నిర్మాతగా, ఛాయాగ్రాహకుడు, రచయితగా మంచి గుర్తింపు తెచ్చుకున్నాడు తేజ.

అలా ఛాయాగ్రాహకుడిగా సినీ పరిశ్రమలో అడుగు పెట్టిన తేజ దర్శక నిర్మాతగా మారి మంచి పేరు సంపాదించుకున్నాడు.తెలుగు లోనే కాకుండా హిందీ, తమిళ భాషలో దర్శకుడిగా, ఛాయాగ్రాహకుడిగా ఎన్నో సినిమాలలో చేసి మంచి పేరు సంపాదించుకున్నాడు.

ఈయన 1989లో శివ సినిమాలో తొలిసారిగా ఛాయాగ్రహణం అందించి మంచి గుర్తింపు పొందారు.ఆ తర్వాత వరుస సినిమా ఆఫర్ లతో ఛాయాగ్రహణం అందిస్తూ తొలిసారిగా 2000 సంవత్సరంలో తెరకెక్కిన నువ్వు నేను, జయం సినిమాలతో దర్శకత్వం వహించాడు.

ఇక ఈ సినిమాలతో మంచి విజయాన్ని అందుకున్నాడు.ఆ తర్వాత వరుసగా పలు సినిమాలకు దర్శకత్వం వహించాడు.ఇదంతా పక్కన పెడితే తాజాగా ఈయన ఉదయ్ కిరణ్ మరణ రహస్యం గురించి అసలు నిజం చెబుతాను అని షాకింగ్ కామెంట్స్ చేశాడు.

నిజానికి ఈయననే ఉదయ్ కిరణ్ ను ఇండస్ట్రీకి హీరోగా పరిచయం చేశాడు.తెలుగు ప్రేక్షకుల హృదయాలలో ఉదయ్ కిరణ్ మర్చిపోనీ నటుడుగా నిలిచాడు.

ఎన్నో లవ్ నేపథ్యంలో వచ్చిన సినిమాలలో నటించి మంచి గుర్తింపు తెచ్చుకున్నాడు.

దీంతో లవర్ బాయ్ గా కూడా నిలిచాడు.ఉదయ్ కిరణ్ ఎటువంటి బ్యాక్ గ్రౌండ్ లేకుండా సినీ ఇండస్ట్రీలోకి అడుగుపెట్టి తన సొంత టాలెంట్ తో స్టార్ హీరో హోదాను అందుకున్నాడు.తేజ దర్శకత్వంలో వచ్చిన చిత్రం సినిమాతో తెలుగు సినీ పరిశ్రమకు పరిచయం అయ్యాడు ఉదయ్ కిరణ్.

ఇక ఈ సినిమాతో మంచి సక్సెస్ అందుకోగా ఆ తర్వాత నువ్వు నేను, మనసంతా నువ్వే వంటి సినిమాలలో తన నటనకు మంచి గుర్తింపు తెచ్చుకున్నాడు.అలా అతి తక్కువ సమయంలో మంచి క్రేజ్ సంపాదించుకున్నాడు.

ఇక కొన్ని సినిమాలలో నటించిన తర్వాత ఆర్థికంగా ఇబ్బందులు ఎదుర్కొన్నాడు.దీంతో అవకాశాలు కూడా అంతగా అందుకోలేకపోయాడు.

వాటిని తట్టుకోలేక 2014లో ఆత్మహత్య చేసుకొని ఈ లోకాన్ని విడిచి వెళ్ళాడు.అయితే ఈయన చనిపోవడానికి రకరకాల కారణాలు ఉన్నాయని అప్పట్లో చాలా వార్తలు వచ్చాయి.

కానీ ఇప్పటివరకు ఆయన చనిపోవడానికి అసలు నిజం ఏంటో తెలియలేదు.అయితే తాజాగా ఉదయ్ కిరణ్ ను హీరోగా పరిచయం చేసిన డైరెక్టర్ తేజ ఉదయ్ కిరణ్ మరణం వెనుక ఉన్న రహస్యం చెబుతాను అని తెలిపాడు.నిజానికి ఉదయ్ కిరణ్, తేజల మధ్య మంచి పరిచయం ఉండేది.

ఇద్దరు మధ్య సన్నిహిత సంబంధాలు కూడా ఉండేవి.దీంతో తేజ తను చనిపోయేలోపు కచ్చితంగా ఉదయ్ కిరణ్ చావు వెనుక ఉన్న రహస్యాన్ని బయటపెడతాను అని అన్నాడు.

అయితే అది ఒక సినిమా రూపంలో బయట పెడతాడా లేక ఏదైనా మీడియా సమావేశంలో తెలుపుతాడా అనేది తెలియలేదు.తేజ అటువంటి వ్యాఖ్యలు చేయటంతో ప్రస్తుతం ఈ విషయం గురించి టాలీవుడ్ ఇండస్ట్రీలో హాట్ టాపిక్ గా మారింది.