పవన్ వ్యూహంతో వైసీపీకి ఊపిరి ఆడటం లేదా?

ఏ ఆటలోనైనా గెలవడానికి రెండు పద్ధతులు ఉంటాయి , ఒకటి తన బలాన్ని మెరుగుపరుచుకొని గెలవడం.రెండు ప్రత్యర్థి బలహీనతలను తెలుసుకొని తద్వారా విజయం సాధించడం రాజకీయాలు కూడా ఒక క్రీడగా మారిపోయి చాలా కాలమైంది.

గెలవడానికి అన్ని రకాల శక్తి యుక్తులను రాజకీయ నాయకులు పన్నుతున్నారు.10 సంవత్సరాలుగా రాజకీయ రంగంలో ఉన్నా ఇంకా అసెంబ్లీకి వెళ్లని పార్టీగా విమర్శలు ఎదుర్కుంటున్న జనసేన( Jana sena ) ఇప్పుడు తన బలాన్ని గుర్తించినట్లే ఉంది.పరిమితమైన ఆర్థిక వనరులతో రాష్ట్రం మొత్తం ఫోకస్ పెట్టడం కుదిరే పని కాదు.

అందునా పార్టీ నిర్మాణం ఇంకా పూర్తిస్థాయిలో జరగని ఒక పార్టీ రాష్ట్రస్థాయిలో తన బలాన్ని కేంద్రీకరిస్తూ పోటీ చేయడం అన్నది ఆత్మహత్య సదృశ్యం అనే చెప్పాలి.అందుకే ఒంటరిగా వెళ్లి వీరం మరణం పొందను అని ముందే చెప్పిన పవన్ ఇప్పుడు తన బలాన్ని అంతా తన అనుకూల ప్రాంతంలో పెట్టి అధికార పార్టీ నాయకులకు ఊపిరి రాడనివ్వకుండా చేస్తున్నారని వార్తలు వస్తున్నాయి .