వామ్మో.. సొర‌కాయతో ఇన్ని ఆరోగ్య ప్ర‌యోజ‌నాలు ఉన్నాయా?

సొర‌కాయ‌.దీని గురించి ప్ర‌త్యేకంగా ప‌రిచ‌యాలు అవ‌స‌రం లేదు.సొర‌కాయ‌నే ఆనపకాయ అని కూడా పిలుస్తుంటారు.

సొర‌కాయ‌తో ఎన్నో ర‌కాల వంట‌లు చేస్తుంటారు.కూర‌లు, ఇగురు, వ‌డ‌లు, ప‌చ్చ‌డి ఇలా సొర‌కాయ‌తో ఎన్నో ఐటెమ్స్ చేస్తుంటారు.

ఎలా చేసినా సొర‌కాయ రుచి అద్భుతంగా ఉంటుంది.అయితే కొంద‌రు మాత్రం సొర‌కాయ తినేందుకు ఇష్ట‌ప‌డ‌రు.

అలాంటి వారు ఇప్పుడు చెప్ప‌బోయే విష‌యాలు తెలుసుకుంటే.ఖ‌చ్చితంగా సోర‌కాయ తింటారు.

ఎందుకంటే.సొర‌కాయ‌తో బోలెడ‌న్ని ఆరోగ్య ప్ర‌యోజ‌నాలు ఉన్నాయి.

ప్ర‌స్తుతం క‌రోనా వైర‌స్ ప్ర‌పంచ‌దేశాల‌ను అత‌లాకుత‌లం చేస్తున్న సంగ‌తి తెలిసిందే.ఈ మ‌హ‌మ్మారి కార‌ణంగా ఇప్ప‌టికే కొన్ని ల‌క్ష‌ల మంది ప్రాణాలు కోల్పోయారు.

క‌రోనా నుంచి ర‌క్షించుకోవాలంటే.శ‌రీర రోగ నిరోధ‌క శక్తి పెంచుకోవాల‌ని అంటున్నారు.

అయితే సొర‌కాయ‌లో విట‌మిన్ బి, సి లు పుష్క‌లంగా ఉంటాయి.ఇవి శ‌రీర రోగ నిరోధ‌క శ‌క్తి బ‌ల‌ప‌డేలా చేస్తుంది.

అలాగే సొర‌కాయ‌లో కేల‌రీలు చాలా త‌క్కువ‌గా.నీరు ఎక్కువ‌గా ఉంటుంది.

కాబ‌ట్టి, బ‌రువు త‌గ్గాల‌నుకునే వారికి సొర‌కాయ బెస్ట్ ఆప్ష‌న్‌.సొర‌కాయ తీసుకోవ‌డం వ‌ల్ల ఎక్కువ స‌మ‌యం పాటు క‌డుపు నిండిన భావ‌న క‌లుగుతుంది.

దాంతో వేరే ఆహారం తీసుకోలేరు.త‌ద్వారా అధిక బ‌రువును త‌గ్గించుకోవ‌చ్చు.

మ‌ధుమేహం ఉన్న వారు సొర‌కాయల‌ను ర‌సం చేసుకుని తీసుకుంటే.శరీరంలోని ఇన్సులిన్ లెవల్స్ సమతుల్యంగా ఉంటాయ‌ని ఆరోగ్య నిపుణులు చెబుతున్నారు.

సొర‌కాయ జ్యూస్ తీసుకోవ‌డం వ‌ల్ల రక్తప్రసరణ సవ్యంగా జరిగేలా చేస్తుంది.గుండె జ‌బ్బుల‌ను రాకుండా ర‌క్షిస్తుంది.

అలాగే ర‌క్త‌పోటును అదుపులో ఉంచుతుంది.సొర‌కాయలో ఫైబ‌ర్ పుష్క‌లంగా ఉంటుంది.

కాబ‌ట్టి, సొర‌కాయ‌ను ఏదో ఒక రూపంలో తీసుకోవ‌డం వ‌ల్ల మ‌ల‌బ‌ద్ధకం స‌మ‌స్యను దూరం చేసుకోవ‌చ్చు.మ‌రియు ఇత‌ర జీర్ణ స‌మ‌స్య‌ల నుంచి కూడా ఉప‌శ‌మ‌నం ల‌భిస్తుంది.

సో.ఈ ప్ర‌యోజ‌నాలు పొందాలంటే.సొర‌కాయ‌ను డైట్‌లో చేర్చుకోండి.