కొచ్చి: ఊపిరితిత్తుల్లో ఇరుక్కున్న చేప తల, ఎన్ఆర్ఐకి అరుదైన శస్త్రచికిత్స

రెండున్నర సంవత్సరాల నుంచి ఓ ఎన్నారై ఊపిరితిత్తుల్లో ఇరుక్కుపోయిన చేప తలను కొచ్చి వైద్యులు తొలగించి అతనిని నరకయాతన నుంచి రక్షించారు.వివరాల్లోకి వెళితే.

కేరళకు చెందిన 52 ఏళ్ల వ్యక్తి ఖతార్‌లో పనిచేస్తున్నారు.ఈ క్రమంలో అతను న్యూమోనియా కారణంగా ఐదుసార్లు ఆసుపత్రిలో చేరాడు.

అయినా ఆయన పరిస్ధితి మెరుగుపడకపోగా.జ్వరం, తీవ్రమైన దగ్గుతో కొచ్చిలోని అమృత ఇన్‌స్టిట్యూట్ ఆఫ్ మెడికల్ సైన్సెస్‌లో చేరారు.

పరీక్ష సందర్భంగా తాను రెండున్నర సంవత్సరాల క్రితం, ఎయిర్‌పోర్టులో ఫిష్ ఫ్రై తిన్నానని వైద్యులకు తెలిపాడు.ఒక నెల తర్వాత అతనికి తీవ్రమైన జ్వరం వచ్చింది, అప్పటి నుంచి అతను తరచూ అనారోగ్యానికి గురవుతున్నాడు.

దీని ఆధారంగా బ్రోంకోస్కోపిక్ విధానం ద్వారా వైద్యులు అతని ఊపిరితిత్తుల్లో కుడి దిగువ భాగాన 5x3 సెం.మీ వ్యాసార్థంతో చేప తల భాగాన్ని కనుగొన్నారు.